વાંકાનેરમાં ઘર પાસે પાર્ક કરેલ 16 લાખની કિંમતની સ્કોર્પિયો ગાડીની ચોરી

વાંકાનેરમાં આવેલ શિવમ પાર્ક સોસાયટીમાં રહેતા યુવાને ઘર પાસે પોતાની સ્કોર્પિયો ગાડી પાર્ક કરીને મૂકી હતી જે સ્કોર્પિયોના લોક તોડીને કોઈ અજાણ્યા શખ્સ દ્વારા ગાડીની ચોરી કરવામાં આવેલ છે જેથી 16 લાખ રૂપિયાની કિંમતની ગાડીની ચોરી થઈ હોવાની ભોગ બનેલા યુવાને વાંકાનેર સિટી પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

વાંકાનેર શહેરમાં આવેલ શિવમ પાર્ક સોસાયટી શેરી નં. 1 માં રહેતા રાણાભાઇ મૈયાભાઇ ઘેલીયા (28)એ હાલમાં અજાણ્યા શખ્સની સામે વાંકાનેર સિટી પોલીસ સ્ટેશન ખાતે વાહન ચોરીની ફરિયાદ નોંધાવી છે જેમાં જણાવ્યું છે કે તેઓએ પોતાની સ્કોર્પિયો ગાડી નંબર જીજે 25 બીએ 0234 પોતાના ઘર પાસે પાર્ક કરીને મૂકી હતી જે ગાડીને ગત તા. 10/4 ના રાત્રિના 11:00 વાગ્યાથી લઈને બીજા દિવસે સવારના 6:00 વાગ્યા સુધીના સમયગાળા દરમિયાન કોઈપણ અજાણ્યા શખ્સ દ્વારા ગાડીનો લોક તોડીને ચોરી કરીને લઈ જવામાં આવેલ છે જેથી કરીને યુવાને નોંધાવેલ ફરિયાદ આધારે પોલીસે હાલમાં અજાણ્યા શખ્સની સામે ચોરીનો ગુનો નોંધીને આરોપીને પકડવા માટે તજવીજ શરૂ કરેલ છે

અકસ્માતમાં ઇજા

મોરબીના માળિયા હાઇવે રોડ ઉપર આરટીઓ બ્રિજ પાસે અકસ્માતમાં બનાવ બન્યો હતો જેમાં અજાણ્યા ટ્રક ચાલકે હડફેટે લેતા અમિતકુમારસિંહ (25) નામના યુવાનને ઇજા થઈ હતી જેથી કરીને ઇજાગ્રસ્ત યુવાનને સારવાર માટે હોસ્પિટલે લઈ ગયા હતા અને ત્યારબાદ આ બનાવની સ્થાનિક પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે