કોંગ્રેસનાં ગઢમાં ગાબડું: માળીયા (મી) પાલિકાની 17 બેઠક ઉપર કોંગ્રેસ-7 માં ભાજપનો વિજય

માળીયા નગરપાલિકા વિસ્તાર કોંગ્રેસનો ગઢ કહેવામાં આવે છે અને વર્ષોથી ત્યાં કોંગ્રેસ સત્તા ઉપર છે દરમિયાન માળીયા નગરપાલિકાની 24 બેઠકો માટે યોજાયેલ ચૂંટણીમાં 17 બેઠકો ઉપર કોંગ્રેસ અને 7 બેઠકો ઉપર ભાજપના ઉમેદવારોનો વિજય થયો છે આમ કોંગ્રેસે તેનો ગઢ જાળવી રાખવામાં સફળ થયેલ છે.

માળીયા મીયાણા નગરપાલિકાની 6 વોર્ડની 24 બેઠકો માટે યોજાયેલ ચૂંટણીમાં ભાજપ દ્વારા તેના ઉમેદવારોની સેન્સ લેવામાં આવી ન હતી, નામ જાહેર કરવામાં આવ્યો ન હતા અને સીધા જ 24 ઉમેદવારોના ભાજપ દ્વારા ચૂંટણી માટે થઈને ફોર્મ ભરી દેવામાં આવ્યા હતા અને માળિયા નગરપાલિકાની ચૂંટણી યોજાઈ હતી દરમિયાન આજે માળીયા નગરપાલિકાની ચૂંટણી બાદ તેનું પરિણામ જાહેર કરવામાં આવ્યું છે જેમાં 24 પૈકી 17 બેઠકો ઉપર કોંગ્રેસના ઉમેદવારનો વિજય થયો છે જ્યારે સાત બેઠકો ઉપર ભાજપનો વિજય થયો છે આમ ભાજપએ કોંગ્રેસના ગઢમાં ગાબડું પાડીને 7 બેઠકો કબજે કરેલ છે