મોરબીના જૂની પીપળી ગામે વાડામાંથી એક ભેંસ-બે પાડીની ચોરીના ગુનામાં રીઢા આરોપીની ધરપકડ
Morbi Today
મોરબીના રણછોડનગર વિસ્તારમાં એક જ રાતમાં 4 કારના કાચમાં તોડફોડ
SHARE
JOIN OUR GROUP
મોરબીના રણછોડનગર વિસ્તારમાં એક જ રાતમાં 4 કારના કાચમાં તોડફોડ
મોરબી શહેરના રણછોડનગર વિસ્તારમાં રાત્રી દરમિયાન લોકોના ઘર પાસે પાર્ક કરેલ જુદીજુદી 4 જેટલી કારના કાચમાં અંદર ધોકા કે પાઇપ જેવી કોઈ વસ્તુ મારીને કાચમાં તોડફોડ કરવામાં આવેલ છે જેથી આ અંગેની મોરબી બી ડિવિઝન પોલીસ સ્ટેશન ખાતે યુવાન દ્વારા જાણ કરવામાં આવતા પોલીસે આગળની કાર્યવાહી હાથ ધરી છે.
મોરબીના વીસીપરાની પાછળના ભાગમાં રણછોડનગર વિસ્તારમાં રહેતા જાકીરભાઇ સેવાંગીયા એ માહિતી આપતા જણાવ્યું હતું કે તેઓના ઘર પાસે તેને પોતાની કાર નંબર જીજે 3 એમએલ 1791 પાર્ક કરીને મૂકી હતી જે કારના આગળના કાચમાં કોઈ અજાણ્યા શખ્સ દ્વારા રાત્રી દરમિયાન પાઇપ કે ધોકા જેવી કોઈ વસ્તુ મારીને કાચને તોડી નાખવામાં આવેલ છે આવી જ રીતે તેઓની શેરીમાં રહેતા અન્ય એક વ્યક્તિની કારમાં પણ કાચને તોડી નાખવામાં આવેલ છે આ ઉપરાંત આસપાસના બીજા વિસ્તારની અંદર પણ લગભગ બીજી બે કારમાં કાચ તોડવામાં આવેલ છે. આમ એક જ વિસ્તારમાં એક જ રાતમાં લગભગ ચારેક કારમાં કાચ તોડવામાં આવેલ છે જેથી રાત્રિ દરમિયાન કારના કાચ તોડતી ગેંગ સક્રિય થઈ હોય તેવું હાલમાં દેખાઈ રહ્યું છે. પરંતુ કોણે કારના કાચમાં તોડફોડ કરી છે અને કયા કારણોસર તોડફોડ કરવામાં આવી છે તેની કોઈ વિગત સામે આવેલ નથી અને આ બનાવની ભોગ બનેલા જાકીરભાઇએ મોરબી બી ડિવિઝન પોલીસ સ્ટેશન ખાતે જાણ કરી છે.
