માળીયા (મી)ના કાજેરડા ગામે ભત્રીજા સાથે થયેલ બોલચાલીનો ખાર રાખીને યુવાન ઉપર ત્રણ શખ્સોએ પાઈપ વડે કર્યો હુમલો

માળીયા મીયાણાના કાજેરડા ગામે રહેતા યુવાનના ભત્રીજા સાથે બોલાચાલી ઝઘડો થયો હોય તે બાબતનો ખાર રાખીને યુવાન ઉપર ત્રણ શખ્સોએ પાઇપ વડે હુમલો કર્યો હતો અને ત્યારે તેને ડાબા પગ, કેડ અને માથાના ભાગે માર મારીને ગંભીર ઇજા કરવામાં આવી હતી જેથી ઇજા પામેલા યુવાનને સારવારમાં ખસેડાયો હતો અને ત્યારબાદ યુવાને નોંધાવેલ ફરિયાદના આધારે પોલીસે ત્રણ શખ્સોની સામે ગુનો નોંધીને આરોપીઓને પકડવા માટે તજવીજ શરૂ કરેલ છે

માળીયા મીયાણાના કાજેરડા ગામે અબ્બાસ બાપુના ઘર પાસે રહેતા અયુબભાઈ ઉમરભાઈ કાજેડીયા (35)એ હાલમાં માળિયા તાલુકા પોલીસ સ્ટેશન ખાતે રમજાનભાઈ મોવર, આર્યન, આબિદ રમજાનભાઈ મોવર રહે. ત્રણેય કાજેડા વાળાની સામે ફરિયાદ નોંધાવેલ છે જેમાં તેને તેના જણાવ્યું છે કે તેના ભત્રીજા સાથે આરોપીઓને બોલાચાલી ઝઘડો થયો હતો જે બાબતનો ખાર રાખીને આરોપીઓએ ફરિયાદી સાથે બોલાચાલી ઝઘડો કર્યો હતો અને તેને ગાળો આપી હતી અને ત્યારબાદ લોખંડના પાઇપ વડે તેને શરીરે જેમ ફાવે તેમ માર મારીને ડાબા પગમાં ફ્રેક્ચર તથા કેડના ભાગે અને માથાના ભાગે ઇજા કરી હતી જેથી ઇજા પામેલા યુવાનને સારવાર માટે હોસ્પિટલે લઇ ગયા હતા અને ત્યારબાદ યુવાને નોંધાવેલ ફરિયાદ આધારે પોલીસે ત્રણ શખ્સોની સામે ગુનો નોંધીને આરોપીઓને પકડવા માટે તજવીજ શરૂ કરેલ છે.