વાંકાનેરના પલાસ ગામ તરફ જતાં રસ્તા ઉપર બાઇક સાથે બાઇક અથડાતાં સર્જાયેલ અકસ્માતમાં એક યુવાનનું મોત

વાંકાનેરના પલાશ પાડધરા ચોકડી પાસે આવેલ પેટ્રોલ પંપથી પલાસ ગામ તરફ જવાનો રસ્તા ઉપર યુવાન બાઇક લઈને પસાર થઈ રહ્યો હતો ત્યારે સામેથી બાઈક લઈને આવી રહેલા શખ્સે સાઈડ કાપવા જતા સમયે ઓવરટેક કરતા યુવાનના બાઈકને હડફેટે લીધું હતું અને અકસ્માત કર્યો હતો જે બનાવમાં યુવાનને મોઢા અને પગના ભાગે ગંભીર ઇજા થઈ હતી જેથી તેનું મોત નિપજ્યું હતું જે બનાવ સંદર્ભે હાલમાં મૃતક યુવાનના પિતાએ વાંકાનેર તાલુકા પોલીસ સ્ટેશન ખાતે ફરિયાદ નોંધાવતા પોલીસે આરોપીના પકડવા માટે તજવીજ શરૂ કરેલ છે

વાંકાનેર તાલુકાના લુણસર ગામે રહેતા ભીખાલાલ ત્રિભોવનભાઇ ચાવડા (40) એ હાલમાં બાઈક નંબર જીજે 13 બીએલ 4283 ના ચાલક દશરથ વિનાભાઈ કોળી રહે મંડળાસર તાલુકો થાન વાળાની સામે ફરિયાદ નોંધાવેલ છે જેમાં તેને જણાવ્યુ છે કે, તેઓનો દીકરો તરુણ ભીખાલાલ ચાવડા બાઇક નંબર જીજે 36 એએન 2416 લઈને જઈ રહ્યો હતો ત્યારે સાઈડ કાપવા માટે સામેથી આવતા આરોપીએ તેનું બાઈક ઓવરટેક કરવા જતા સમયે ફરિયાદીના દીકરાના બાઈક સાથે અથડાવ્યુ હતું અને અકસ્માતનો બનાવ બન્યો હતો જે બનાવમાં ફરિયાદીના દીકરા તરુણને મોઢાના ભાગે તથા પગના ભાગે ગંભીર ઇજા થઈ હતી જેથી તેનું મોત નીપજ્યું હતું જે બનાવ સંદર્ભે હાલમાં અકસ્માત સર્જનાર બાઈક ચાલક સામે મૃતક યુવાનના પિતાએ ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે