મોરબીના ઋષભનગર વિસ્તારમાંથી રાજકોટની પરણીતા ગુમ: શોધખોળ ચાલુ
SHARE
JOIN OUR GROUP
મોરબીના ઋષભનગર વિસ્તારમાંથી રાજકોટની પરણીતા ગુમ: શોધખોળ ચાલુ
મોરબી શહેરના સામાકાંઠા વિસ્તારમાં ઋષભનગર ખાતે રહેતી મૂળ રાજકોટની પરણીતા કોઈ કારણોસર ગુમ થઈ ગઈ છે જેથી બી ડિવિઝન પોલીસ સ્ટેશન ખાતે ગુમસુધા ફરિયાદ આપવામાં આવી હતી જેથી પોલીસે હાલમાં ગુમ થયેલ પરિણીતાને શોધવા માટે તજવીજ કરી રહી છે.
મૂળ રાજકોટના ઉદ્યોગનગર શેરી નં. 12 ચુનારાવડા ચોકના રહેવાસી અને હાલમાં મોરબીના ઋષભનગરમાં માવતરના ઘરે રહેતા હર્ષાબેન ધર્મેશભાઈ મેવાડા (34) નામની મહિલા ગત તા. 28/5 ના સાંજના સાડા છ વાગ્યાના અરસામાં ઘરેથી કોઈને કશું કહ્યા વગર પહેરેલા ડ્રેસે નીકળી ગઈ હતી અને ત્યારબાદ તેનો હજુ સુધી શોધવા છતાં કોઈ જગ્યાએથી પતો લાગેલ નથી જેથી મોરબી બી ડિવિઝન પોલીસ સ્ટેશને ગુમસુધા ફરિયાદ આપવામાં આવી છે જેથી પોલીસ હાલમાં ગુમ થયેલ પરણીતાને શોધવા માટેની તજવીજ હાથ ધરી છે વધુમાં આ અંગેની આગળની તપાસ બી ડિવિઝન પોલીસ સ્ટેશનના એ.એમ.જાપડીયા ચલાવી રહ્યા હોય તેમની પાસેથી મળતી વિગત પ્રમાણે ગુમ થયેલ પરણીતાના જમણા હાથ ઉપર સ્ટાર ત્રોફાવેલ છે અને તે મહિલાનો કોઈ જગ્યાએ પતો લાગે તો મોબાઇલ ફોન નં. 97140 64419 અથવા બી ડિવિઝન પોલીસ સ્ટેશનના મોબાઈલ નં. 6357240718 ઉપર જાણ કરવા જણાવ્યું છે
અકસ્માતમાં ઇજા
મોરબીના બેલા ગામ પાસે રહેતા સુનિલકુમાર (38) નામનો યુવાન રમેષ્ટ સીરામીક પાસેથી બાઈક લઈને જતો હતો ત્યારે અકસ્માત નો બનાવ બન્યો હતો જે બનાવમાં ઇજા પામેલા યુવાને સારવાર માટે સિવિલ હોસ્પિટલે લઈને આવ્યા હતા અને આ બનાવની પોલીસને જાણ કરવામાં આવી છે
દવા પી લેતા સારવારમાં
મોરબીના રંગપર ગામ નજીક આવે સિરામિક કારખાનામાં રહેતા અને કામ કરતા મોનિકાબેન જામસિંહ સિંગર (19) નામની પરિણીતાએ કોઈ કારણસર દવા પી લેતા તેને સારવાર માટે ખાનગી હોસ્પિટલમાં લાવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી છે.
અકસ્માતમાં ઇજા
મોરબીના જુના ઘુટુ રોડ ઉપર આવેલ જીલટોપ ગ્રેનાઈટો કારખાનામાં રહેતા આકાશ શ્યામલાલ કશ્યપ (27) નામના યુવાનને લખધીરપુર રોડ ઉપર આવેલ ગ્રાન્ડ વૈભવ હોટલ પાસે કોઈ અજાણ્યા વાહન ચાલકે હડફેટે લેતા અકસ્માત થયો હતો જે બનાવમાં ઈજા પામેલ યુવાનને સારવાર માટે હોસ્પિટલે લઈ ગયા હતા અને આ બનાવની પોલીસને જાણ કરાઈ છે
બાળક સારવારમાં
મોરબીના કાલિકા પ્લોટ વિસ્તારમાં રહેતો સબ્બીર રસિકભાઈ સેડાત (10) નામનું બાળક બાઇકમાં બેસીને મોરબીના નટરાજ ફાટક પાસેથી જતો હતો ત્યારે અકસ્માતનો બનાવ બન્યો હતો જે બનાવમાં બાળકને ઈજા થઈ હોવાથી તેને સારવાર માટે પ્રથમ મોરબી અને ત્યાંથી વધુ સારવાર માટે રાજકોટ ખાતે લઈ જવામાં આવેલ છે અને આ બનાવની સ્થાનિક પોલીસને જાણ કરાઈ છે.
