હળવદના જુના વેગડવાવ ગામે યુવાન ઉપર દંપતીએ કર્યો ધારિયા વડે હુમલો: હાથની આંગળીમાં બચકું ભરી લીધું
SHARE
JOIN OUR GROUP
હળવદના જુના વેગડવાવ ગામે યુવાન ઉપર દંપતીએ કર્યો ધારિયા વડે હુમલો: હાથની આંગળીમાં બચકું ભરી લીધું
હળવદના જુના વેગડવાવ ગામે રહેતા યુવાને અગાઉ સામેવાળાના કૌટુંબિક ભાઈના જામીન કરાવેલ હોય તે બાબતનું મન દુઃખ રાખીને તેના ઉપર ધારિયા વડે હુમલો કર્યો હતો અને તેને હાથની આંગળીમાં બચકું ભરી લેવામાં આવ્યું હતું તેમજ ઢીકાપાટુનો માર મારીને જાનથી મારી નાખવાની ધમકી આપી હતી જેથી ભોગ બનેલ યુવાન દ્વારા સારવાર લીધા બાદ હાલમાં બે વ્યક્તિઓની સામે ફરિયાદ નોંધાવવામાં આવતા પોલીસે ગુનો નોંધી આરોપીઓને પકડવા માટે તજવીજ શરૂ કરેલ છે
હળવદ તાલુકાના રહેતા કલ્પેશભાઈ ઉર્ફે ભાણો જેરામભાઈ નગવાડીયા (31)એ હળવદ તાલુકા પોલીસ સ્ટેશન ખાતે ભરતભાઈ ઉર્ફે સીસો ચતુરભાઈ સુરેલા અને હંસાબેન ભરતભાઈ સુરેલા રહે. બંને જૂના વેગડવાવ વાળાની સામે ફરિયાદ નોંધાવેલ છે જેમાં જણાવ્યુ છે કે, તેને અગાઉ આરોપીના કૌટુંબિક ભાઈઓને જામીન કરાવેલ હોય જે બાબતનું મન દુઃખ રાખીને ફરિયાદી આરોપીની વાડી પાસેથી પસાર થઈ રહ્યા હતા ત્યારે ભરતભાઈએ હાથમાં ધારિયું લઈને ફરિયાદીની પીઠના ભાગે ધારિયું માર્યું હતું તેમજ તેના જમણા હાથની આંગળીમાં બચકું ભરી લીધું હતું જ્યારે હંસાબેને ફરિયાદીને ઢીકાપાટુનો માર મારીને ગાળો આપી હતી અને જાનથી મારી નાખવાની ધમકી આપી હતી જેથી ભોગ બનેલ યુવાને સારવાર લીધા બાદ હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
