વાંકાનેરના સરતનપર રોડે કારખાનાની લેબર કોલોનીના ત્રીજા માળની પારાપેટ ઉપરથી નીચે પડતાં યુવતીનું મોત
SHARE
JOIN OUR GROUP
વાંકાનેરના સરતનપર રોડે કારખાનાની લેબર કોલોનીના ત્રીજા માળની પારાપેટ ઉપરથી નીચે પડતાં યુવતીનું મોત
વાંકાનેરના સરતનપર રોડ ઉપર આવેલ સીરામીક કારખાનાની લેબર કોલોનીના ત્રીજા માળની બાલ્કનીની પારાપેટ ઉપર યુવતી બેઠી હતી દરમિયાન તેને ચક્કર આવતા તે ઉપરથી નીચે પટકાઈ હતી જેથી તે યુવતીને માથા અને શરીરે ગંભીર ઇજા થઈ હતી જેથી તેનું મોત નીપજયું હતુ ત્યારબાદ તેના મૃતદેહને પીએમ માટે હોસ્પિટલે લઈને આવ્યા હતા અને આ બનાવની સ્થાનિક પોલીસને જાણ કરવામાં આવી હતી.
મૂળ છત્તીસગઢના રહેવાસી અને હાલમાં મોરબી જિલ્લાના સરતનપર રોડ ઉપર આવેલ લેન્ડ ડેકોર સિરામિક કારખાન લેબર કવાર્ટરમાં રહેતા રૂપાબેન ચંદાલાલ પટેલ (28) નામની યુવતી લેબર કોલોનીના ત્રીજા માળે બાલકનીની પારાપેટ ઉપર બેઠી હતી દરમિયાન તેને કોઈ કારણોસર ચક્કર આવતા તે પારાપેટ ઉપરથી નીચે પટકાઈ હતી અને યુવતીને માથાના ભાગે તથા શરીરે ગંભીર ઇજા થઈ હતી જેથી તે યુવતીનું મોત નીપજ્યું હતું ત્યાર બાદ તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે વાકાનેર તાલુકા પોલીસ સ્ટેશન ખાતે જાણ કરતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી છે
યુવાન સારવારમાં
મોરબીના ઘુટુ ગામે રહેતા ગણેશભાઈ બદ્રિભાઇ ગુપ્તા (35) નામના યુવાનને આઈ.ટી.આઈ પાસે રમેશભાઈ નામના વ્યક્તિએ પથ્થર વડે માર મારીને ઇજા કરી હતી જેથી તેને સારવાર માટે મોરબીની સિવિલ હોસ્પિટલ ખાતે લાવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી હતી.
