મોરબીના વીસીપરામાં જમાઈના કૌટુંબિક ભાઈએ યુવાનને છાતીમાં પથ્થર મારીને આપી મારી નાખવાની ધમકી
Morbi Today
વાંકાનેર નજીક બાઇક થાંભલા સાથે અથડાયા બાદ બીજા બાઈકમાં અથડાતાં દંપતીને ઇજા: અકસ્માત સર્જનાર વાહન ચાલકનું મોત
SHARE
JOIN OUR GROUP
વાંકાનેર નજીક બાઇક થાંભલા સાથે અથડાયા બાદ બીજા બાઈકમાં અથડાતાં દંપતીને ઇજા: અકસ્માત સર્જનાર વાહન ચાલકનું મોત
વાંકાનેરની અમરસર ફાટક પાસેથી દંપતી બાઈકમાં પસાર થઈ રહ્યું હતું ત્યારે રોંગ સાઈડમાં આવેલા બાઇક ચાલકે તેનું બાઇક થાંભલા સાથે અથડાવ્યું હતું અને ત્યાર બાદ બાઇક ચાલક નીચે પડી ગયો હતો અને તેનું બાઇક દંપતીના બાઈક સાથે અથડાયું હતું જે બનાવમાં દંપતીને ઇજાઓ થઈ હતી જયારે અકસ્માત સર્જનાર બાઇક ચાલકને ગંભીર ઇજા થયેલ હોવાથી તેનું મોત નીપજયું હતું આ બનાવ સંદર્ભે હાલમાં ઇજા પામેલા આધેડની ફરિયાદ લઈને પોલીસે મૃતક સામે ગુનો નોંધી રાબેતા મુજબની કાર્યવાહી હાથ કરી છે
વાંકાનેરના વીસીપરામાં પ્રાથમિક શાળાની પાછળના ભાગમાં રહેતા હસમુખભાઈ જીવણભાઈ ટુંડિયા (54)એ હાલમાં બાઈક નંબર જીજે 36 બીસી 0006 ના ચાલક સામે વાંકાનેર સિટી પોલીસ સ્ટેશન ખાતે ફરિયાદ નોંધાવેલ છે જેમાં જણાવ્યું છે કે, તેઓ પોતાના બાઈક નં. જીજે 36 એન 9785 માં તેઓના પત્ની કિરણબેન બેસાડીને રાજકોટથી વાંકાનેર બાજુ આવી રહ્યા હતા ત્યારે અમરસર ફાટક પાસે આરોપી સામેથી રોંગ સાઈડમાં તેનું બાઇક લઈને આવ્યો હતો અને થાંભલા સાથે તેનું બાઈક અથડાયું હતું અને ત્યાર બાદ બાઈક ચાલક રસ્તા ઉપર નીચે પડી જતાં તેનું બાઇક ફરિયાદીના બાઈક સાથે અથડાયું હતું અને અકસ્માતનો બનાવ બન્યો હતો આ બનાવમાં ફરિયાદીને ડાબા હાથની આંગળી તથા ડાબા પગના અંગૂઠામાં ઇજા તેમજ તેના પત્ની કિરણબેનને ડાબા પગની આંગળીમાં ફ્રેક્ચર જેવી ઇજા થયેલ છે અને આરોપીને પણ ગંભીર ઈજા થઈ હોય તેનું મોત નીપજ્યું હતું આ બનાવ સંદર્ભે હાલમાં અકસ્માત સર્જનાર બાઈક ચાલક સામે પોલીસે ગુનો નોંધીને રાબેતા મુજબની કાર્યવાહી હાથ ધરી છે.
