મોરબીની મહેન્દ્રનગર ચોકડી પાસેથી કાર અને ધાયડી વિસ્તારમાં ઘર પાસેથી બાઈકની ચોરી

મોરબીની મહેન્દ્રનગર ચોકડી પાસે આવેલ ગેરેજ નજીક યુવાને પોતાની કારને પાર્ક કરીને મૂકી હતી જે કારની કોઈ અજાણ્યા શખ્સ દ્વારા ચોરી કરવામાં આવેલ છે જેથી બે લાખની કારની ચોરી થઈ હોવાની યુવાને હાલમાં મોરબી બી ડિવિઝન પોલીસ સ્ટેશન ખાતે ફરિયાદ કરી છે આવી જ રીતે મહેન્દ્રનગરના ધાયડી વિસ્તારમાંથી એક બાઇકની ચોરી કરવામાં આવી છે જેની અંગે યુવાને ચોરીની ફરિયાદ કરેલ છે.

મોરબીના બેલા ગામે રહેતા ચંદ્રકાંતભાઈ બાબુભાઈ ઉઘરેજા (44)એ મોરબી બી ડિવિઝન પોલીસ સ્ટેશન ખાતે અજાણ્યા શખ્સની સામે ફરિયાદ નોંધાવેલ છે જેમાં જણાવ્યું છે કે મોરબીની મહેન્દ્રનગર ચોકડી પાસે આવેલ સીએનજીના પંપ પાસે જય અંબે મોટર ગેરેજ એન્ડ સર્વિસ નજીક ફરિયાદીએ પોતાની આઈ-10 ગાડી નંબર જીજે 36 બી 4003 પાર્ક કરીને મૂકી હતી જે કોઈ અજાણ્યા શખ્સ દ્વારા ચોરી કરવામાં આવેલ છે જેથી બે લાખ રૂપિયાની કિંમતની કારની ચોરી થઈ હોવાની ભોગ બનેલા યુવાને ફરિયાદ નોંધાવતા પોલીસે હાલમાં ગુનો નોંધીને આરોપીને પકડવા માટે તજવીજ શરૂ કરેલ છે જયારે મહેન્દ્રનગર ગામે આવેલ ધાયડી વિસ્તારમાં રહેતા કેવલભાઈ રૂપનાથભાઈ ડાભી (27)એ મોરબી બી ડિવિઝન પોલીસ સ્ટેશન ખાતે અજાણ્યા શખ્સની સામે વાહન ચોરીની ફરિયાદ કરી છે જેમાં જણાવ્યુ છે કે, ફરિયાદીએ તેના ઘર પાસે પોતાનું બાઈક નંબર જીજે 36 એબી 0294 કરીને મૂક્યું હતું જે 35,000 ની કિંમતનું બાઈકની અજાણ્યા શખ્સ દ્વારા ચોરી કરવામાં આવેલ છે જેથી યુવાને નોંધાવેલ ફરિયાદ આધારે પોલીસે હાલમાં અજાણ્યા શખ્સની સામે ગુનો નોંધી આરોપીને આરોપીને પકડવા માટે તજવીજ શરૂ કરેલ છે