મોરબી નજીક કારખાનામાં ચાલુ વીજ લાઈનને કટ કરીને 40,000 ના કેબલ વાયરની ચોરી
SHARE
JOIN OUR GROUP
મોરબી નજીક કારખાનામાં ચાલુ વીજ લાઈનને કટ કરીને 40,000 ના કેબલ વાયરની ચોરી !
મોરબીના જાંબુડીયા ગામની સીમમાં આવેલ કારખાનામાં અજાણ્યા બે શખ્સો દ્વારા પ્રવેશ કરવામાં આવ્યો હતો અને ત્યારબાદ ત્યાં ચાલુ વીજ લઈને કટ કરીને કારખાનામાંથી 80 મીટર વાયરની ચોરી કરવામાં આવી હતી જેથી કરીને 40,000 ની કિંમતના મુદ્દામાલની ચોરી થઈ હોવાની કારખાનેદારે ફરિયાદ નોંધાવતા તાલુકા પોલીસે ગુનો નોંધી આરોપીને પકડવા માટે તજવીજ શરૂ કરેલ છે.
મોરબીના એસપી રોડ ઉપર આવેલ ફ્લોરા 57 ખાતે રહેતા અંકુરભાઈ ડાયાભાઈ કગથરા (44) એ અજાણ્યા બે શખ્સોની સામે ચોરીની ફરિયાદ નોંધાવેલ છે જેમાં જણાવ્યું છે કે મોરબી તાલુકાના જાંબુડીયા ગામની સીમમાં રોલેક્સ સ્પ્રે ડાયલ નામનું માર્બલનું તેમનું કારખાનું આવેલું છે અને તે કારખાનાની અંદર ગત તા 5/7 ના રાત્રિના 10:00 વાગ્યાથી 11:00 વાગ્યાના સમયગાળા દરમિયાન અજાણ્યા બે શખ્સો દ્વારા દિવાલ કૂદીને અંદર પ્રવેશ કરવામાં આવ્યો હતો અને કારખાનાના ગોડાઉનની બહારના ભાગમાં ચાલુ ઈલેક્ટ્રીક વાયર લાઈનને કાપીને 80 મીટર જેટલા કેબલ વાયરની ચોરી કરવામાં આવેલ છે જેથી 40,000 રૂપિયાની કિંમતના વાયરની ચોરી થઈ હોવાની કારખાનેદારે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
