હળવદમાં શાળાની વિદ્યાર્થિનીઓએ પાળિયાઓને રાખડી બાંધીને કરી રક્ષાબંધન પર્વની ઉજવણી

હળવદ છોટાકાશી તરીકે પ્રસિદ્ધ છે અને હળવદના પાદરમાં સૌથી વધુ પાળિયા આજે પણ અડીખમ ઉભા છે ત્યારે હળવદ શહેરની રક્ષા માટે જે નરબંકા વીરગતિ પામ્યા હતા તેના પાળિયાઓને રાખડી બાંધીને રક્ષા બંધનના પર્વની આજની તારીખે પણ ઉજવણી કરવામાં આવે છે

ઝાલાવાડમાં વીરગતિ વહોરનારા વીરોના સૌથી વધુ પાળિયાઓ આવેલા છે જેઓએ બહેનો દીકરીઓની રક્ષા કાજે, સિમાડાની રક્ષા કાજે કે પછી ગાયોની રક્ષા કાજે વ્હારે ચડ્યા હતા અને વીરગતિ વહોરી હતી તે વીરોના પાળિયાઓની અમર ગાથા આજે પણ હળવદના પાદરમાં આવેલા સ્મશાનમાં જોવા મળી રહી છે ત્યારે ભાઇ-બહેનના પવિત્ર તહેવાર રક્ષાબંધન નિમિત્તે હળવદમાં આવેલ ભાવનીનગર પ્રાથમિક શાળાના શિક્ષક દિપકભાઈ ચૌહાણ સ્કુલની વિદ્યાર્થીનીઓને લઇને ત્યા આવે છે અને પાળીયાઓને રાખડી બાંધીને નરબંકા અને સિંદૂરીયા વિરલાઓની યાદને તાજી કરે છે

ઉલેખનીય છે કે, છેલ્લા 10 વર્ષોથી દિપકભાઈ ચૌહાણ સ્કુલની વિદ્યાર્થીનીઓને રક્ષાબંધન પર્વ પહેલા આગળના દિવસે પાળીયાઓ પાસે લઈને જાય છે અને તેઓને રાખડીનું મહત્વ સમજાઇ તેમજ બહેન, દિકરીઓ અને ગાયોની રક્ષા માટે જેમને વીરગતિ પામ્યા છે તેના વિષેની માહિતીથી દીકરીઓ વાકેફ થાય તેમજ વીરોના પાળીયા શા માટે રાખવામાં આવતા છે તેની તેઓને જાણકારી મળે તે હેતુથી પાળીયાઓને રાખડી બાંધીનો રક્ષાબંધન પર્વની ઉજવણી કરવામાં આવે છે ખાસ કરીને શાળાની દીકરીઓ દ્વારા પોતના હાથે 500 જેટલી રાખડીઓ બનાવવામાં આવી હતી જેને આજે પાળિયાઓને રાખડી બાંધીને રક્ષા બંધનની ઉજવણી કરી હતી.