ટંકારાના ધ્રુવનગર પાસે ડબલ સવારી બાઈક ડિવાઈડર સાથે અથડાતા બાઇક ચાલકનું મોત

મોરબી રાજકોટ હાઇવે ઉપર આવેલ ધ્રુવનગર ગામ પાસે ડબલ સવારી બાઈક ડિવાઈડર સાથે અથડાતા બાઇક ચાલકનું મોત નીપજ્યું છે જ્યારે અન્ય વ્યક્તિને ઇજા થતાં તેને સારવારમ ખસેડાયો હતો અને તેને સારવાર લીધા બાદ બાઇક ચાલક સામે ફરિયાદ નોંધાવતાં પોલીસે ગુનો નોંધી આગળની કાર્યવાહી હાથ ધરી છે

બનાવની જાણવા મળતી વિગતો પ્રમાણે મૂળ એમપીના જાંબુવા જિલ્લાના રહેવાસી અને હાલમાં પડધરી બાઇપાસ પાસે રાધે કારખાન સામે આવેલ ઝુંપડામાં રહેતા આકાશભાઈ ગુલામભાઈ ડામોર જાતે ભીલ (ઉમર ૨૮)એ કૈલાશ ખદાનસિંગ બારેલા રહે. મૂળ એમપી વાળાની સામે ફરિયાદ નોંધાવી છે જેમાં તેણે જણાવ્યું છે કે તેઓ પોતાનું મોટરસાયકલ નંબર એમપી ૪૫ એમએસ ૮૪૩૨ લઈને મોરબી રાજકોટ હાઇવે ઉપર આવેલ ધ્રુવ નગર ગામ પાસે મામાદેવના મંદિર નજીકથી પસાર થઇ રહ્યા હતા ત્યારે બાઇકચાલક કૈલાશ બારેલાએ પોતાના સ્ટેરિંગ પરથી કાબૂ ગુમાવ્યો હતો જેથી કરીને બાઇક ડિવાઇડર સાથે અથડાયું હતું અને તેમાં ફરિયાદી આકાશભાઈ ડામોરને હાથમાં અને કપાળે ઇજાઓ થઇ હોવાથી તેને સારવાર લઈ ગયા હતા અને બાઇક ચાલક કૈલાશ ખદાનસિંગ બારેલાને ગંભીર ઇજા થવાથી તેનું મોત નીપજયું હતું હાલમાં ઇજા પામેલા આકાશભાઈ ડામોરની ફરિયાદ લઈને પોલીસે મૃતક કૈલાશ ખદાનસિંગ બારેલાની સામે ગુનો નોંધી આગળની કાર્યવાહી હાથ ધરી હતી

જુગારી પકડાયા

મોરબીના વીસીપરા વિસ્તારમાં સ્મશાન રોડ ઉપર રાજ બેકરીની સામેના ભાગમાં જાહેરમાં જુગાર રમતા હોવાની હકીકત આધારે બી ડિવિઝન પોલીસ દ્વારા જુગારની રેડ કરવામાં આવી હતી ત્યારે ત્યાં અલ્તાફ હૈદરભાઈ જેડા, મનસુખ ઉર્ફે કાનો ધીરુભાઈ શેખાણી તેમજ રૂપેશ ધીરુભાઈ કોળી જુગાર રમતા મળી આવ્યા હતા જેથી કરીને પોલીસે તેઓની પાસેથી ૨૯૩૦ રૂપિયાની રોકડ કબજે કરી જુગારધારા હેઠળ ગુનો નોંધી રાબેતા મુજબની કાર્યવાહી હાથ ધરી હતી