મોરબીના આમરણ પાસે રોડ સાઈડમાં પલ્ટી મારી ગયેલ કન્ટેનરને હટાવવાનું કામ કરતાં સમયે થયો ટ્રાફિકજામ

મોરબીના આમરણ નજીકથી ટ્રક ચાલક પસાર થઈ રહ્યો હતો ત્યારે આમરણ ગામ પાસે ઓવરબ્રિજનું કામ ચાલી રહ્યું છે ત્યાં ડાયવર્ઝન આપવામાં આવેલ છે જો કે, ખરાબ રસ્તા અને મોટા ખાડાના કારણે ટ્રકમાંથી કન્ટેનર રોડ સાઇડમાં પલ્ટી મારી ગયું હતુ. અને પાણીના પંપની દીવાલ અને કન્ટેઇનરમાં નુકસાન થયું હતુ. જો કે, આજે તે કન્ટેનરને ત્યાંથી લઈ જવા માટેની કામગીરી કરવામાં આવી રહી હતી જેથી આમરણ ગામ પાસે ટ્રાફિકજામ થઈ ગયો હતો.

મોરબીના આમરણ ગામ પાસે જે ઓવરબ્રિજ બનાવવા માટેનું કામ ચાલી રહ્યું છે ત્યાં ડાયવર્ઝનનો રસ્તો આપવામાં આવેલ છે અને તે રસ્તો ખરાબ હોવાથી અનેક વખત નાના મોટા અકસ્માત થાય છે અને તેના સમાચારો પણ પ્રસિદ્ધ કરવામાં આવે છે તો પણ અધિકારી કે કોન્ટ્રાકટર દ્વારા કોઈ ધ્યાન દેવામાં આવતું નથી અને ખરાબ રસ્તાના કારણે થોડા દિવસો પહેલા મોરબીના આમરણ પાસે જામનગર રોડ ઉપર ટ્રકમાંથી કન્ટેનર રોડ સાઇડમાં પલ્ટી મારી ગયું હતુ. જે કન્ટેનરને ત્યાંથી લઈ જવા માટેની કામગીરી કરવામાં આવી રહી હતી ત્યારે આમરણ ગામ પાસે ટ્રાફિકજામ થઈ ગયો હતો. જેથી કરીને વાહન ચાલકોને કલાકો સુધી હેરાન થવું પડ્યું હતું. અને વાહન ચાલકો કહેતા હતા કે, આ રસ્તો છ મહિનાથી ખરાબ છે. તો પણ અધિકારી કે કોન્ટ્રાકટર દ્વારા કોઈ ધ્યાન આપવામાં આવતું નથી. જેથી વહેલી તકે ડાયવર્ઝનનો રસ્તો રીપેર કરવામાં આવે તેવી માંગ ઊઠે છે.