માળિયા (મી)ના બગસરા ગામ પાસે પવનચક્કીમાંથી 78 હજારના વાયરની ચોરી

માળિયા (મી)ના બગસરા ગામ નજીક આવેલ પવનચક્કીને અજાણ્યા શખ્સે નિશાન બનાવી હતી અને ત્યાંથી તાળું તોડીને કોપરના કેબલ વાયરની ચોરી કરી છે જેથી 78 હજારના વાયરની ચોરી થઇ હોવાની માળિયા (મી) તાલુકા પોલીસ સ્ટેશને ફરિયાદ નોંધાવવામાં આવતા પોલીસે ગુનો નોંધીને આગળની કાર્યવાહી કરેલ છે.

માળિયા (મી)ના વવાણીયા ગામે રહેતા નરેન્દ્રસિંહ ઉર્ફે પીન્ટુભાઈ મેઘુભા પરમાર (45)એ હાલમાં અજાણ્યા શખ્સની સામે માળિયા તાલુકા પોલીસ સ્ટેશને ફરિયાદ નોંધાવેલ છે જેમાં જણાવ્યુ છે કે, ગત તા. 23 ના રોજ રાતના સમયે અજાણ્યા તસ્કરે બગસરા ગામની સીમમાં આવેલ પવનચક્કી નંબર વીએમ 36 ને નિશાન બનાવી હતી અને ત્યાં તાળું તોડીને પવનચક્કીમાંથી કોપરના 240  સ્ક્વેર એમ.એમ.ના કેબલ વાયરમાંથી 260 મીટર વાયરની ચોરી કરી હતી જેથી 78 હજાર રૂપિયાની કિંમતના વાયરની ચોરી થઈ હોવાથી માળિયા તાલુકા પોલીસ સ્ટેશનમાં ફરિયાદ નોધાવવામાં આવતા પોલીસે ગુનો નોધીને આરોપીને પકડવા માટે તજવીજ શરૂ કરી છે.