મોરબીના ખેવારીયા ગામે ઝેરી દવા પી ગયેલ બીજી સગીરાનું પણ સારવારમાં મોત
SHARE
JOIN OUR GROUP
મોરબીના ખેવારીયા ગામે ઝેરી દવા પી ગયેલ બીજી સગીરાનું પણ સારવારમાં મોત
મોરબીના નવલખી રોડ ઉપર આવેલ ખેવારીયા ગામની સીમમાં વાડીએ થોડા દિવસો પહેલા બે સગીરા ઝેરી દવા પી ગઈ હતી જે પૈકી એક સગીરાનું અગાઉ મોત નીપજ્યું હતું અને એક સગીરા સારવાર હેઠળ હતી જોકે, બીજી સગીરાનું સારવારમાં મોત નીપજ્યું છે. જેથી આ બનાવની હોસ્પિટલ મારફતે તાલુકા પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી
મોરબીના નવલખી રોડ ઉપર આવેલ ખેવારીયા ગામની સીમમાં નારણકા ગામ તરફ જવાના રસ્તા ઉપર આવેલ ભરતભાઈ કાનજીભાઈની વાડીએ રહેતા રંગેશભાઈ મેડાની 10 વર્ષની દીકરી સોહાના ગત તા. 20/10 ના રોજ ઝેરી દવા પી ગઈ હતી જેથી તે સગીરાને સારવાર માટે મોરબીની સરકારી હોસ્પિટલ ખાતે લઈને આવ્યા હતા અને ત્યાં તેને સારવાર માટે દાખલ કરવામાં આવી હતી જોકે ચાલુ સારવાર દરમિયાન તે સગીરાનું મોત નીપજ્યું હતું જેથી આ બનાવની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અત્રે ઉલ્લેખનીય છે કે ગત તા 20/10 ના રોજ ભરતભાઈ કાનજીભાઈ ની વાડીએ મેરેસિંગભાઈની 12 વર્ષની દીકરી આશાબેન અને સોહાના બંને ઝેરી દવા પી ગયા હતા તે પૈકી આશાબેનું અગાઉ મોત નિપજ્યું હતું અને હાલમાં સોહાનાનું સારવાર દરમ્યાન મોત નીપજ્યું છે આમ વાડીએ ઝેરી દવા પી ગયેલ બંને સગીરાનું મોત નિપજ્યા છે જેની પોલીસે નોંધ કરીને આગળની કાર્યવાહી હાથ ધરી છે.
