મોરબીમાં ઉછીના આપેલા રૂપિયા બાબતે થયેલ મારા મારી બાદ નોંધાયેલ સામસામી ફરિયાદમાં આરોપીઓની ધરપકડ
SHARE
JOIN OUR GROUP
મોરબીમાં ઉછીના આપેલા રૂપિયા બાબતે થયેલ મારા મારી બાદ નોંધાયેલ સામસામી ફરિયાદમાં આરોપીઓની ધરપકડ
મોરબીના ૨૫ વારિયામાં રહેતા યુવાને ઉછીના રૂપિયા આપ્યા હતા જે રૂપિયા પરત માંગતા રૂપિયા લેનારે તેની સાથે ઝપાઝપી કરી ગાળો આપી અને તેની પાસે રહેલ છરી યુવાનના નાક ઉપર મારી હતી જેથી ભોગ બનેલા યુવાને મોરબી સીટી એ ડીવીઝન પોલીસ સ્ટેશન ખાતે ફરિયાદ નોંધાવી હતી અને સામાપક્ષેથી પણ ફરિયાદ નોંધાવતા પોલીસે સામસામી ફરિયાદ લઈને આ બંને ગુનામાં આરોપીઓની ધરપકડ કરેલ છે
મોરબીના દલવાડી સર્કલથી આગળના ભાગમાં આવેલ ૨૫ વારિયામાં રહેતા પ્યારૂ દાદુભાઈ પરમાર જાતે સલાટ (ઉંમર ૩૫)એ ૨૫ વારિયામાં રહેતા સલીમભાઈ સુમરાની સામે ફરિયાદ નોંધાવી હતી જેમાં તેણે જણાવ્યું હતું કે સનાળા ગામ પાસે આવેલ સંગમ વોટર પાર્ક પાસે તે ઊભા હતા ત્યારે તેણે સલીમભાઈને અગાઉ હાથ ઉછીના પૈસા આપેલા હતા જે પૈસાની માગણી કરતા તે બાબતે સલિમભાઈને સારું નહીં લાગતા તેણે ગાળો આપી હતી હતી અને સલીમભાઈએ તેની પાસે રહેલ છરીનો એક ઘા તેને નાકમાં જમણી બાજુએ માર્યો હતો જેની ફરિયાદ આધારે પોલીસે આરોપી સલીમભાઈ ઉર્ફે ડેની હાજીભાઇ સુમરા (૩૫) રહે. ૨૫ વારિયા મોરબી વાળાની ધરપકડ કરેલ છે
તો સામાપક્ષેથી સલીમભાઈ ઉર્ફે ડેની હાજીભાઇ સુમરા (૩૫) એ પ્યારૂ સલાટની સામે મોરબી સીટી એ ડીવીઝન પોલીસ સ્ટેશન ખાતે ફરિયાદ નોંધાવી હતી જેમાં તેણે જણાવ્યું હતું કે અગાઉ થયેલ ઝઘડાનો ખાર રાખીને તેઓ સંગમ વોટર પાર્ક પાસે ઊભા હતા ત્યાં આરોપીએ ત્યાં આવીને તેને ગાળો આપી હતી અને ગાળો દેવાની ના કહેતા તેના હાથમાં રહેલ લોખંડના પાઇપ વડે તેને માથામાં કપાળના ભાગે એક ઘા માર્યો હતો જેથી સલીમભાઈએ ફરિયાદ નોંધાવી હતી તેના આધારે પોલીસે પ્યારૂ દાદુભાઈ પરમાર જાતે સલાટ (ઉંમર ૨૬) રહે. ૨૫ વારિયા મોરબી વાળાની ધરપકડ કરેલ છે
દવા પી લેતા સારવારમાં
મોરબીના વાંકાનેર તાલુકામાં આવેલા અદેપર ગામની રહેવાસી કાજલબેન વશરામભાઈ રંગપરા નામની ૧૭ વર્ષીય યુવતી કોઇ કારણોસર ઝેરી દવા પી જતાં તેણીને સારવાર માટે મોરબીની મંગલમ હોસ્પિટલે લાવવામાં આવી હતી જેથી હાલમાં એ ડિવિઝન પોલીસ મથકના પી.એચ.બોરાણાએ પ્રાથમિક તપાસ કર્યા બાદ વધુ તપાસ અર્થે વાંકાનેર તાલુકા પોલીસને બનાવ અંગે જાણ કરી હતી.જ્યારે ટંકારા તાલુકાના મીતાણા ગામના રહેવાસી જીલુભાઇ કાનાભાઈ સોઢીયા નામના ૫૯ વર્ષીય આધેડને ટંકારાની મીતાણા ચોકડી પાસે બાઈકમાં જતા સમયે અન્ય વાહને તેઓને હડફેટે લેતાં જીલુભાઇ સોઢીયાને સારવાર માટે મોરબીની આયુષ હોસ્પિટલે ખસેડાયા હતા.
વાહન પલ્ટી મારી જતા ઇજા
ધાંગધ્રા તાલુકાના અંજાર ગામના વતની ઘનશ્યામભાઈ પાંચાભાઇ ઝરવરીયા નામનો ૩૨ વર્ષીય યુવાન ચુડા નજીક ત્રણ પાસેથી તેનું છોટાહાથી ચલાવીને જતો હતો દરમ્યાનમાં રણ પાસે તેની છોટાહાથી પલટી મારી જતા ઇજાગ્રસ્ત ઘનશ્યામભાઈ ચેલૈયા ને ઇજાઓ થતાં તેને સારવાર માટે મોરબી લાવવામાં આવ્યો હતો તે રીતે જ માળીયા મિયાણા તાલુકાના વવાણીયા ગામે રેલવે સ્ટેશન નજીક રહેતા રમણીકભાઈ ખીમાણીયા ની નવ વર્ષીય દીકરી ગોપીબેન રિક્ષામાંથી નીચે પડી જતાં તેમને સારવાર માટે મોરબી ખસેડવામાં આવી હતી
