મોરબીના વાવડી રોડ ઓફીસમાંથી ૩૫ બોટલ દારૂ સાથે એક શખ્સ ઝડપાયો

મોરબીના વાવડી રોડ બાપા સીતારામ મઢુલી પાછળ આવેલ ઓફીસમાં ઇગ્લીશ દારૂનો જથ્થો રાખીને વેચાણ કરવામાં આવે છે તેવી હક્કિત મળી હતી જેના આધારે પોલસે દારૂની રેડ કરી હતી ત્યારે ઓફિસમાથી ૩૫ બોટલ દારૂ મળી આવ્યો હતો જેથી કરીને પોલીસે ૧૦,૫૦૦ નો મુદામાલ કબજે કરીને એક શખ્સની ધરપકડ કરેલ છે. 

મોરબી સીટી એ ડીવીઝન સર્વેલન્સ પોલીસ ટીમ સિટી વિસ્તારમાં પેટ્રોલીંગ હતી ત્યારે ચકુભાઇ કરોતરાને ખાનગીરાહે હકિકત મળેલ કે પૃથ્વીરાજસિંહ દીલુભા ઝાલા રહે.મોરબી વાવડીરોડ સોમૈયા સોસાયટી વાળો પોતાની વાવડી રોડ બાપાસીતારામ મઢુલી પાછળ આવેલ પોતાની ઓફીસમાં ઇંગ્લીશ દારૂ રાખી વેચાણ કરે છે જેથી કરીને પોલીસે આ હકિકત આધારે રેઇડ કરી હતી ત્યારે આરોપી પૃથ્વીરાજસિંહ દીલુભા ઝાલાની ઓફીસમાંથી ભારતીય બનાવટના વિદેશીદારૂની સીલબંધ ૩૫ બોટલો મળી આવી હતી જેથી કરીને પોલીસે ૧૦,૫૦૦ નો મુદામાલ કબજે કરીને આગળની કાર્યવાહી કરી હતી આ કામગીરી પીઆઇ બી.પી.સોનારા, પીએસઆઈ એસ.એમ.રાણા, મહાવીરસીંહ પરમાર, કિશોરભાઇ મિયાત્રા, રામભાઇ મંઢ, ભાનુભાઇ બાલસરા, ચકુભાઇ કરોતરા, ભરતભાઇ હુંબલ, ભાવેશભાઇ મિયાત્રા, આશીફભાઇ રાઉમાં, સંજયભાઇ બાલાસરા તથા સમરતસિંહ ઝાલા દ્વારા કરવામાં આવી હતી.

“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”