માનવીની મૂંઝવણ અસહ્ય ભાવ વધારો

 

પેટ્રોલ માં છે પ્રચંડ વધારો, કઠોળ માં વર્તાયો ખુબ કહેર,

તેલ માં થયો ડબલ ફેર  , સરકાર હવે તો કરો કંઇક મહેર,

 

લાઇટ માં યુનિટ વધુ બળે તો,  માણસ ના બળે જીવ,

ગેસ ના ભાવ થી ચૂલો ભલો , હવે તાળવે ચોંટ્યા જીવ ,

 

ઘી ગોળ તો સાવ ભુલી જ  ગયા , ભાવ વધારો ભુલાવશે તેલ,

રોજગાર ધંધા છીનવાય ગયા, લોકો ક્યાંથી કરે મેળ ?

 

શિક્ષણ થયા ઓનલાઇન , વધ્યા મોબાઇલ  તણા  ખર્ચા ,

વર્તમાન સ્થિતિ ને ભુલાવી ને કરો છો ચૂંટણી કેરી ચર્ચા,

 

વ્યવસાય અડધા હજુ બંધ પડ્યા છે છતા ચાલુ રાખ્યા દંડ,

" રાજ " માણસ બિચારા મજબુર થયા, નેતાઓ છોડતા નથી ફંદ,

 

રચના

રાજેશભાઇ એસ કુકરવાડિયા,

ધ્રુવનગર-મોરબી

(સંકલન : જીગ્નેશ ભટ્ટ-મોરબી)