વાંકાનેરનાં સતાપર ગામે જુગાર રમતા પાંચ શખ્સો ૧૫૨૦૦ ના મુદામાલ સાથે પકડાયા
Morbi Today
મોરબીના જુના મકનસર ગામે પત્નીને તેડવા માટે ગયેલા યુવાનને સાસુ, સસરા અને બે સાળાએ માર માર્યો
SHARE
JOIN OUR GROUP
મોરબીના જુના મકનસર ગામે પત્નીને તેડવા માટે ગયેલા યુવાનને સાસુ, સસરા અને બે સાળાએ માર માર્યો
મોરબી તાલુકાનાં જુના મકનસર ગામ રબારી વાસમાં પત્નીને તેડવા માટે ગયેલા યુવાન અને તેના ભાઈને સાસુ, સસરા અને બે સાળાએ માર માર્યો હતો જેથી કરીને યુવાને સારવાર લીધા બાદ મોરબી તાલુકા પોલીસ સ્ટેશન ખાતે તેના સાસરિયાં સામે ફરિયાદ નોંધાવી છે જેથી પોલીસે મહિલા સહિત ચાર સામે ગુનો નોંધીને આગળની કાર્યવાહી કરી છે
બનાવની જાણવા મળતી માહિતી મુજબ મોરબી તાલુકાનાં અમરાપર(નાગલપર) ગામે રહેતા ડાયાભાઇ જીવણભાઇ કરોતરા જાતે રબારી (ઉ.વ.૩૩)એ બિજલભાઇ હીરાભાઇ વેરાણા, ભારાભાઇ બિજલભાઇ વેરાણા, દેવસીભાઇ બિજલભાઇ વેરાણા અને વજીબેન બિજલભાઇ વેરાણા રહે, તમામ મકનસર ગામ રબારી વાસ વાળાની સામે માર માર્યો હોવાની ફરિયાદ નોંધાવી છે જેમાં તેને લખાવ્યું છે કે, તેઓ જુના મકનસર ગામ રબારી વાસમાં રહેતા તેના સાસરાના ઘરે તેના ભાઈ બીજલભાઈને સાથે લઈને પોતાની પત્નીને તેડવા માટે ગયા હતા ત્યારે આરોપી બિજલભાઇ હીરાભાઇ વેરાણા, ભારાભાઇ બિજલભાઇ વેરાણા, દેવસીભાઇ બિજલભાઇ વેરાણાએ લોખંડનો પાઇપ, કુંડલી વાળી લાકડી તથા લાકડાના ધોકા વતી તેઓને તેમજ તેના ભાઈને માર માર્યો હતો અને ડાબા હાથે ફેક્ચર જેવી ઇજા કરી હતી અને તેના સાસુએ તેને પકડી રાખીને ગાળો આપી હતી જેથી પોલીસે યુવાની ફરિયાદ લઈને તેના સાસુ સસરા અને બે સાળાની સામે આઇ.પી.સી.કલમ - ૩૨૩, ૩૨૪, ૩૨૫, ૫૦૪, ૧૧૪ તથા જી.પી.એક્ટ કલમ ૧૩૫ મુજબ ગુનો નોંધીને આગળની કાર્યવાહી કરેલ છે વધુમાં જાણવા મળતી માહિતી મુજબ ફરિયાદી યુવાન અને તેની બહેનના લગ્ન આરોપી અને તેની બહેન સાથે સામસામે કરવામાં આવ્યા હતા અને આરોપી દેવસીભાઇ બિજલભાઇ વેરાણાએ ફરિયાદી યુવાનની બહેનને માર માર્યો હતો જેથી કરીને તે છેલ્લા ૨૦ દિવસથી માવતરે આવી ગયેલ હતી અને તેવામાં ફરિયાદી ડાયાભાઇ જીવણભાઇ કરોતરાના પત્ની તેના ચાર સંતાનોને લઈને માવતરે જતાં રહ્યા હતા જેથી કરીને ફરિયાદી તેના ભાઈને સાથે લઈને પત્ની તેમજ બાળકોને લેવા માટે સાસરે ગયા હતા ત્યારે તે બંને ભાઈઓને માર મરવામાં આવ્યો છે
