વાંકાનેરમાં બાપુના બાવલા પાસે ઉભેલા યુવાનને છ શખ્સોએ લાકડી વડે માર માર્યો: રાયોટિંગનો ગુનો નોંધાયો
Morbi Today
મોરબીના આધેડની હળવદમાં આવેલ ખેતીની જમીન ઉપર કબ્જો કરનાર પાંચ સામે લેન્ડ ગ્રેબિંગ: ૩ ની ધરપકડ
SHARE
JOIN OUR GROUP
મોરબીના આધેડની હળવદમાં આવેલ ખેતીની જમીન ઉપર કબ્જો કરનાર પાંચ સામે લેન્ડ ગ્રેબિંગ: ૩ ની ધરપકડ
મોરબીના શનાળા રોડ શકિત પ્લોટમાં રહેતા આધેડની હળવદમાં આવેલ ખેતીની જમીન ઉપર દબાણ કરનારા મહિલા સહિતના પાંચ વ્યક્તિની સામે આધેડે ફરિયાદ નોંધાવી હતી જેના આધારે પોલીસે લેન્ડ ગ્રેબિંગનો ગુનો નોંધીને આરોપીઓને પકડવા માટે ચક્રોગતિમાન કરેલ હતા અને હાલમાં આ ગુનામાં ત્રણ આરોપીઓની ધરપકડ કરેલ છે
જાણવા મળતી વિગત પ્રમાણે હાલમાં મોરબીના શનાળા રોડ શકિત પ્લોટ-૧૧ શીવ હાઇટસ બ્લોક નં-૮૦૧માં રહેતા અને ખેતી કામ કરતાં દિપુભા બચુભા ઝાલા જાતે દરબાર (૫૩)એ બચુભાઇ દેવશીભાઇ ઉડેચા જાતે કોળી, રમાબેન બચુભાઇ ઉડેચા જાતે કોળી, ગોતમભાઇ બચુભાઇ ઉડેચા જાતે કોળી, સવશીભાઇ દેવશીભાઇ ઉડેચા જાતે કોળી, વાસુભાઇ સવશીભાઇ ઉડેચા જાતે કોળી રહે. તમામ રાણેકપર વાળાની સામે લેન્ડ ગ્રેબિંગની ફરિયાદ નોંધાવી છે જેમાં તેને જણાવ્યુ છે કે, તા. ૨૧/૦૮/૨૦૧૮ થી આજદિન સુધી આરોપીઓએ તેની માલીકીની હળવદ રેવન્યુ સર્વ નં.૧૮૫૮ ની જમીન હે.આર.ચો.મી.૨-૬૪-૦૬ વાળી પર ગેર કાયદેસર કબજો કરેલ છે અને ફરીયાદીની જમીનમાં વાવતેર કરી ઉપજ મેળવીને ફરીને કોઇ હક્ક હિસ્સો આપેલ નથી તેમજ જમીન પર ગેરકાયદેસર કબજો ચાલુ રાખી જમીન પચાવી પડી છે જેથી કરીને પોલીસે આધેડની ફરિયાદ આધારે ગુજરાત જમીન પચાવી પાડવા પર (પ્રતિબંધ) અધિનિયમ-૨૦૨૦ની કલમ-૩, ૪(૧) (૩), ૫(ગ) મુજબ ગુનો નોંધીને આરોપીઓને પકડવા માટે ચક્રોગતિમાન કરેલ હતા અને આ ગુનામાં હાલમાં પોલીસે બચુભાઇ દેવશીભાઇ ઉડેચા, ગોતમભાઇ બચુભાઇ ઉડેચા અને સવશીભાઇ દેવશીભાઇ ઉડેચાની ધરપકડ કરેલ છે
