મોરબીના નાયબ મામલતદાર રાઠોડની વાંકાનેર ખાતે બદલી
SHARE
JOIN OUR GROUP
મોરબીના નાયબ મામલતદાર રાઠોડની વાંકાનેર ખાતે બદલી
મોરબીના સામાકાંઠે આવેલ એનસીસાટી કમ્પાઉન્ડમાં સીટી મામલતદાર ઓફિસ ચાલુ કરવામાં આવી હતી જોકે ત્યાં છેલ્લા ઘણા સમયથી ફરિયાદો ઉઠી રહી હોય તેને ધ્યાનમાં લઇને તપાસ કરી ઉપરી અધિકારી દ્વારા હાલમાં નાયબ મામલતદારોની વાંકાનેર ખાતે બદલી કરવામાં આવી હોવાનું જાણવા મળેલ છે.
મોરબી સીટી મામલતદાર ઓફીસ છેલ્લા ચારેક મહીનાથી મોરબી એનસીસી કંપાઉન્ડ ખાતે પ્રજાની માંગણી ધ્યાને લઇને ચાલુ કરેલ અને ત્યાં નાયબ મામલતદાર પૂરવઠામાં એ.બી.રાઠોડની નિમણૂંક કરવામાં આવેલ પરંતુ થોડા જ સમયમાં ના.મામલતદાર રાઠોડ વિરુધ્ધ અસંખ્ય ફરીયાદો આવેલ જેમાં ખોટા બિન જરૂરી ડોકયુમેન્ટ માંગવા, એનએસના ફોર્મ ન લેવા, અરજદારો સાથે ગેરવર્તન કરવું જેવી ઘણી જ ફરીયાદો અહીંના નાગરીક પુરવઠાના પુર્વ સલાહકાર પી.પી.જોષીને મળેલ તે બાબતે જાત તપાસ કરતા ના.મામલતદાર રાઠોડે તેમની સાથે પણ ગેરવર્તન કરેલ અને પોતાની મનમાની કરવાનું ચાલુ રાખેલ આ બાબતે પી.પી.જોષીએ અહિંના કલેકટરને અને છેક મુખ્યમંત્રીને રજુઆત કરેલ કે આવા અધિકારી સરકારને બદનામ કરે છે. સરકાર કરોડો રૂપિયા ગરીબ પાછળ ખર્ચ કરે છે પણ બેદરકાર અધિકારીઓને કારણે આ લાભ પ્રજા સુધી પહોચતો નથી અને સરકાર બદનામ થાય તેવા પ્રયાસો અધીકારીઓ કરે છે માટે આવા અધિકારીની બદલી કરવી જોઇએ તેવી માંગણી જોષીએ કરેલ જે બાબતે તમામ તપાસ કરીને સત્ય જણાતા તેમની બદલી વાંકાનેર મતદાર યાદી વિભાગમા બદલી કરેલ છે.તેમની જગ્યાએ એ.એસ.જાડેજાને વાંકાનેરથી મોરબી ખાતે પુરવઠા નાયબ મામલતદાર તરીકે મુકવામા આવેલ છે.જેથી આ વિસ્તારની પ્રજામાં રાહતની લાગણી ફેલાય છે તેમ પી.પી.જોષીએ જણાવેલ છે.
