મોરબીમાં ૧૦ કરોડના ખર્ચે નવું સિંચાઈ સેવા સદન બનાવવા ધારાસભ્યની માંગણી
SHARE
JOIN OUR GROUP
મોરબીમાં ૧૦ કરોડના ખર્ચે નવું સિંચાઈ સેવા સદન બનાવવા ધારાસભ્યની માંગણી
મોરબી-માળીયા (મીં) ના ધારાસભ્ય બ્રિજેશ મેરજાએ રાજ્યના નાયબ મુખ્યમંત્રી નીતિનભાઈ પટેલને વિગતે રજૂઆત કરી મોરબી ખાતે શનાળા રોડ ઉપર આવેલ હૈયાત સિંચાઇ વિભાગની કચેરીના જૂના મકાનો અને અઢી વીધા જેટલી ખુલ્લી જમીન આવેલ છે ત્યાં નવું સિંચાઇ સદન બાંધવું જરૂરી છે
આ અંગે તત્કાલીન રાજય કક્ષાના સિંચાઇ મંત્રીએ સૈદ્ધાંતિક મંજૂરી પણ આપેલ છે અને માર્ગ-મકાન વિભાગે ૯.૯૫ કરોડનું બ્લોક એસ્ટિમેન્ટ તૈયાર કર્યું છે. આ નવા સિંચાઇ સેવા સદનમાં મોરબી ખાતેની સીંચાઈની અને નર્મદાની સેકશન ઓફિસ, નાયબ કાર્યપાલક ઇજનેર અને કાર્યપાલક ઈજનેરની જુદીજુદી ૧૬ કચેરીઓ, ૧ લેબોરેટરી, ૨ સમિતિખંડ અને ૨ રેસ્ટ રૂમનો સમાવેશ કરી શકાય તેમ છે. મોરબી હાલ જિલ્લા કક્ષાનું મથક હોય જિલ્લા સિંચાઇ સેવા સદન બાંધવા અંદાજે ૧૦ કરોડ ફાળવવા નાયબ મુખ્યમંત્રી નીતિનભાઈ પટેલને રજૂઆત કરીને ધારાસભ્ય બ્રિજેશ મેરજાએ ખાસ માંગણી કરી છે.
