મોરબી સિટી એ ડિવિઝન પોલીસ સ્ટેશને વ્યાજખોર-ચાઇનીઝ ફીરકી બાબતે લોક દરબાર યોજાયો
Morbi Today
મોરબીના વીસીપરામાંથી દેશી પિસ્તોલ અને કર્ટિસ સાથે ઝડપાયેલ આરોપીના રિમાન્ડ મંજૂર
SHARE
JOIN OUR GROUP
મોરબીના વીસીપરામાંથી દેશી પિસ્તોલ અને કર્ટિસ સાથે ઝડપાયેલ આરોપીના રિમાન્ડ મંજૂર
મોરબીના વીસીપરા મેઇન રોડ ઉપર આવેલ ગર્લ્સ હાઇસ્કુલ પાસેથી પસાર થઈ રહેલા શખ્સને રોકીને પોલીસે ચેક કર્યો હતો ત્યારે તેની પાસેથી દેશી બનાવટની એક પિસ્તોલ અને એક જીવતું કર્ટિસ મળી આવ્યું હતું અને પોલીસે ૧૦૧૦૦ ની કિંમતના મુદ્દામાલ સાથે તેની ધરપકડ કરી હતી અને મોરબી બી ડિવિઝન પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી હતી અને આ આરોપીને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે આરોપીના બે દિવસના રિમાન્ડ મંજૂર કરેલ છે
મોરબી જિલ્લા એસઓજીની ટીમ દ્વારા મોરબીના વીસીપરા વિસ્તારમાં મેઇન રોડ ઉપર ગર્લ્સ હાઇસ્કુલ પાસેથી પસાર થઈ રહેલા શખ્સને રોકીને ચેક કર્યો હતો ત્યારે તેની પાસેથી દેશી બનાવટની એક પિસ્તોલ મળી આવી હોય ૧૦૦૦૦ રૂપિયાની કિંમતની પિસ્તોલ તથા એક જીવતું કર્ટિસ આમ કુલ મળીને ૧૦૧૦૦ ની કિંમતના મુદ્દામાલ સાથે અહેમદભાઈ જૂસબભાઈ કટિયા જાતે મિયાણા (ઉંમર ૩૫) રહે. અયોધ્યાપુરી રોડ મચ્છુ માતાની જગ્યા સામે મોરબી વાળાની ધરપકડ કરેલ હતી અને સીટી બી ડિવિઝન પોલીસ સ્ટેશન ખાતે આર્મ્સ એક્ટ મુજબ ગુનો નોંધીને આગળની કાર્યવાહી હાથ ધરવામાં આવી હતી અને આ ગુનાની તપાસ એસઓજીની ટિમ કરી રહી છે ત્યારે આરોપીને કોર્ટમાં રિમાન્ડની માંગણી સાથે રજૂ કરવામાં આવ્યો હતો ત્યારે કોર્ટે આરોપીના બે દિવસના રિમાન્ડ મંજૂર કરેલ છે
