વાંકાનેરની નર્સરી ચોકડી પાસે બાઇક સ્લીપ થતાં ઇજા પામેલા યુવાનનું મોત
Morbi Today
મોરબી સિરામિક એસો. વિવેક બિન્દ્રા સામે કાનૂની લડાઈ કરે તેવા સંકેત
SHARE
JOIN OUR GROUP
મોરબી સિરામિક એસો. વિવેક બિન્દ્રા સામે કાનૂની લડાઈ કરે તેવા સંકેત
મોરબીની સિરામિક ટાઇલ્સને વિવેક બિન્દ્રાએ એક વિડિયોમાં હલકી ગુણવતાની કહી છે જેથી કરીને મોરબીના સિરામિક ઉદ્યોગકારોમાં તેની સામે રોષની લાગણી છે અને વિવેક બિન્દ્રાએ બિલ્ડરોની નબળી કામગીરી માટે બનાવેલ વીડિયો જો પાછો ખેચવામાં નહીં આવે તો તેની સામે મોરબી સિરામિક એસો. દ્વારા કાનૂની લડાઈ કરવામાં આવશે તેવું મોરબી સિરામિક એસો.માં પ્રમુખે જણાવ્યુ છે.
હાલમાં મોરબીમાં વિશ્વમાં ૨૦ ટકા અને દેશના ૯૩ ટકા ટાઇલ્સનું ઉત્પાદન કરવામાં આવી રહ્યું છે અને દેશ તેમજ વિદેશમાં માલ મોકલવામાં આવે છે જેથી આજની તારીખે ૬૦૦૦૦ કરોડથી વધુનું આ ઉદ્યોગનું ટર્નઓવર દેશ અને વિદેશમાં છે ત્યારે બિલ્ડરોની નબળી કામગીરી અને છેતરપિંડીની વાત કરવા માટે મોટીવેશનલ સ્પીકર વિવેક બિન્દ્રાએ એક વિડીયો તેના ફેસબુક એકાઉન્ટ ઉપર મૂક્યો છે જેમાં ઇટાલિયન માર્બલની વાત કરીને મોરબીની ટાઇલ્સને હલકી ટાઇલ્સ કહી છે જેથી કરીને મોરબીના સિરામિક ઉદ્યોગકારોમાં ભારોભાર રોષની લાગણી ફેલાયેલ છે આ અંગે મોરબી સિરામિક એસો. પ્રમુખ મુકેશભાઈ કુંડારિયાએ જણાવ્યું હતું કે, મોરબી સિરામિક ટાઇલ્સ આજની તરીકે ૧૮૦ દેશમાં સપ્લાઈ કરવામાં આવી રહી છે અને દુનિયાની આધુનિક મશીનરીનો ઉપયોગ કરીને અહિયાં ટાઇલ્સ બનાવવામાં આવે છે એટ્લે જ તો આજે અહીનું ૬૦ હજાર કરોડથી વધુનું ટર્નઓવર છે ત્યારે વિવેક બિદ્રાએ જે પાયા વિહોણા વાત તેના વિડિયોમાં કરી છે તેને લઈને ઉદ્યોગકારોમાં ભારે નારાજગી છે અને મોરબીના સિરામિક ઉદ્યોગની પ્રતિષ્ઠાને નુકશાન થાય તેમ છે જેથી કરીને તુર્ત ફેસબુકમાંથી આ વીડિયો બ્લોક કરવા માટે મોટા પ્રમાણમાં રીકવેસ્ટ મોકલવામાં આવી છે અને વિવેક બિદ્રા સામે કાનૂની કાર્યવાહી કરવા માટેની પણ ચર્ચા ચાલી રહી છે.
