મોરબીમાંથી ઝડપાયેલ 1.992 કિલો ગાંજો-11.37 ગ્રામ હાઇબ્રીડ ગાંજાના કેસમાં વધુ એક આરોપીની ધરપકડ મોરબીમાં હોટલના ધંધાર્થીએ કરેલ આપઘાતના ગુનામાં વધુ એક વ્યાજખોરોની ધરપકડ: એકની હજુ શોધખોળ ટંકારામાં લુંટ કરનાર આરોપીના જામીન મંજુર મોરબીમાં હેન્ડ ટુ હેન્ડ બ્લડ ડોનેશન કરતાં યુવા શક્તિ ગ્રુપમાં વધુમાં વધુ રક્તદાતાઓને જોડાવા અનુરોધ મોરબીના જોધપર ગામ પાસે મચ્છુ-2 ડેમમાં ડૂબી જવાથી યુવાનનું મોત માળીયા (મી)ના નવી નવલખી ગામે હત્યાના આરોપીના ઘરમાં ઘૂસીને મૃતકના પરિવારજનોએ આગ ચાંપી દીધી: 1.5 લાખનું નુકશાન મોરબીના નીચીમાંડલ ગામ પાસે પાણીની ડોલમાં ડૂબી જવાથી 8 મહિનાના બાળકનું મોત વાંકાનેરના સરતનપર રોડે કારખાનાની લેબર કોલોનીના ત્રીજા માળની પારાપેટ ઉપરથી નીચે પડતાં યુવતીનું મોત

Breaking news

Morbi Today

મોરબીમાં જુગારમાં હારી ગયેલા રૂપિયા વસૂલ કરવા યુવાનનું અપહરણ કરીને માર મરનારા ૬ શખ્સોની ધરપકડ

16-02-2023 11:01 AM

મોરબીમાં જુગારમાં હારી ગયેલા રૂપિયા વસૂલ કરવા યુવાનનું અપહરણ કરીને માર મરનારા ૬ શખ્સોની ધરપકડ

મોરબીના રવાપર ગામે રહેતો યુવાન ઓનલાઈન તીનપતીનો જુગાર રમતા સાત લાખ રૂપિયા હારી ગયો હતો જે રૂપિયા વસૂલ કરવા માટે થઈને ચાર શખ્સો દ્વારા તે યુવાનનું તેના ઘરમાંથી અપહરણ કરવામાં આવ્યું હતું અને તેને ગોંધી રાખીને તે યુવાનને માર માર્યો હતો જેથી ભોગ બનેલા યુવાન દ્વારા મોરબી સીટી એ ડિવિઝન પોલીસ સ્ટેશન ખાતે ચાર શખ્સોની સામે ફરિયાદ નોંધાવવામાં આવી હતી જેના આધારે પોલીસે હાલમાં છ આરોપીની ધરપકડ કરેલ છે

મૂળ જોડિયા તાલુકાના હડીયાણા ગામના રહેવાસી અને હાલમાં મોરબીના રવાપર ગામે ક્રિષ્ના સ્કૂલની બાજુમાં આવેલ સંસ્કાર હીલ એપાર્ટમેન્ટ બ્લોક નં-૬૦૧ માં રહેતા હિરલભાઈ રમેશભાઈ કાનાણી જાતે પટેલ (૨૮) એ મહિપાલસિંહ રાણા અને જયપાલસિંહ ચુડાસમા રહે. બંને રામેશ્વર સોસાયટી જામનગર તેમજ અર્જુન પ્રજાપતિ અને નંદો રહે બંને જામનગર વાળાની સામે મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધાવી હતી કે, આરોપી મહિપાલસિંહ રાણા અને જયપાલસિંહ ચુડાસમા સાથે ઓનલાઇન તીન પત્તીની આઈડીમાં જુગાર રમેલ હતો જેમાં બંને આરોપી સામે ઓનલાઇન તે સાત લાખ રૂપિયા હારી ગયો હતો જેથી આરોપીઓએ રૂપિયા વસૂલ કરવા માટે તેના ઘરે આવીને તેના ઘરેથી જ તેનું અપહરણ કર્યું હતું અને કારમાં લઈ જઈને તેને ગોંધી રાખીને માર માર્યો હતો

જેથી ભોગ બનેલ યુવાન દ્વારા મોરબી સીટી એ ડિવિઝન પોલીસ સ્ટેશન ખાતે ચાર શખ્સોની સામે ફરિયાદ નોંધવામાં આવી હતી જેના આધારે પોલીસે આ ગુનામાં હાલમાં મહિપાલસિંહ આશીષસિંહ રાણા જાતે દરબાર (૩૨) રહે, ક્રિષ્ના પાર્ક સોસાયટી રામેશ્વર સોસાયટી જામનગર, જયપાલસિંહ વિક્રમસિંહ ચુડાસમા જાતે દરબાર (૩૮) રહે. ગાયત્રી સોસાયટી રામેશ્વર સોસાયટી જામનગર, અર્જુન દિનેશભાઇ ગોંડલીયા જાતે પ્રજાપતિ (૨૫) રાંદલનગર રામેશ્વર સોસાયટી જામનગર, નરેન્દ્રસિંહ ઉર્ફે નંદો પ્રવિણસિંહ રાયજાદા જાતે દરબાર (૩૨) રહે. ગાયત્રી સોસાયટી રામેશ્વર સોસાયટી જામનગર, નાગરાજસિંહ ભરતસિંહ જાડેજા જાતે દરબાર (૨૯) રહે. માટેલ ચોક રામેશ્વર સોસાયટી જામનગર અને ગજેન્દ્રસિંહ દિલીપસિંહ જાડેજા જાતે દરબાર (૨૨) રહે. વિનાયક પાર્ક રામેશ્વર સોસાયટી જામનગર વાળાની ધરપકડ કરેલ છે