મોરબીના પાવળીયારી નજીક બાઈક આડે કૂતરું ઉતરતા અકસ્માત: ઇજા પામેલ આધેડ સારવારમાં
Morbi Today
મોરબીમાં યુવતીએ પ્રેમ સંબંધ રાખવાની ના કહેતા યુવાને ફિનાઇલ ગટગટાવ્યું
SHARE
JOIN OUR GROUP
મોરબીમાં યુવતીએ પ્રેમ સંબંધ રાખવાની ના કહેતા યુવાને ફિનાઇલ ગટગટાવ્યું
મોરબીના કાલિકા પ્લોટ વિસ્તારની અંદર રહેતા યુવાનને કોઈ યુવતી સાથે પ્રેમ સંબંધ હતો અને યુવતીએ સંબંધ રાખવાની ના પાડતા તેણે પોતાની જાતે ફિનાઈલ પી લીધું હતું જેથી તે યુવાનને મોરબીની ખાનગી હોસ્પિટલમાં સારવાર માટે લઈને આવ્યા છે અને હોસ્પિટલ મારફતે આ બનાવની મોરબી સીટી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે
બનાવની જાણવા મળતી માહિતી મુજબ મોરબીના રવાપર રોડ ઉપર આવેલ કાલિકા પ્લોટ વિસ્તારમાં રહેતો મકવાણા ધ્રુવ મનીષભાઈ (૧૯) નામનો યુવાન પોતાની જાતે ફિનાઈલ પી ગયો હોવાથી તેને સારવાર માટે મોરબીની આયુષ હોસ્પિટલ ખાતે લઈને આવ્યા હતા અને આ બનાવની મોરબી એ ડિવિઝન પોલીસને હોસ્પિટલ મારફતે જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને હાલમાં આ બનાવની પ્રાથમિક તપાસ કરનારા એચ.એમ. ચાવડા સાથે વાત કરતાં તેમણે જણાવ્યું હતું કે, ફીનાઇલ પી ગયેલ યુવાનને કોઈ યુવતી સાથે પ્રેમ સંબંધ હતો અને યુવતીએ તેની સાથે સંબંધ રાખવાની ના પાડી હતી જેથી કરીને લાગી આવતા તે યુવાને ફિનાઇલ પી લીધું છે અને હાલ માટે સારવાર હેઠળ છે
ઝેરી દવા પી લીધી
વાંકાનેર તાલુકાના પંચાસિયા ગામે રહેતી શિલ્પાબેન વિનોદભાઈ કોઠીયા (૨૫) નામની મહિલા કોઈ કારણોસર ઝેરી દવા પી લેતા તેને તાત્કાલિક સારવાર માટે મોરબીની મંગલમ હોસ્પિટલ ખાતે લઈને આવ્યા હતા અને હાલમાં આ બનાવની મોરબી સીટી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને મહિલા હાલમાં બેભાન હાલતમાં સારવાર હેઠળ છે અને તેનો લગ્ન ગાળો ત્રણ વર્ષનો હોવાનું જાણવા મળ્યું છે
