મોરબીની પાવળીયારી કેનાલ પાસે મુરઘીના થડાની બાજુમાં થડો મૂકવાનું કહેતા યુવાનને ચાર શખ્સોએ માર માર્યો
SHARE
JOIN OUR GROUP
મોરબીની પાવળીયારી કેનાલ પાસે મુરઘીના થડાની બાજુમાં થડો મૂકવાનું કહેતા યુવાનને ચાર શખ્સોએ માર માર્યો
મોરબી તાલુકાના જસમતગઢ ગામની સીમમાં પાવળીયારી કેનાલ પાસે મુરઘીના થડા પાસે યુવાને તેના કાકાને મુરઘીનો થડો મૂકવો છે તેવું કહ્યું હતું જેથી કરીને ચાર શખ્સો દ્વારા તેને ગાળો આપીને ધારિયા વડે હુમલો કરીને તેમજ ઢીકાપાટુનો માર મારવામાં આવ્યો હતો જેથી ભોગ બનેલ યુવાનને સારવારમાં લઈને આવ્યા હતા અને ત્યારબાદ તેણે ચાર શખ્સોની સામે મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે શરૂ કરેલ છે
બનાવની જાણવા મળતી માહિતી મુજબ મૂળ કચ્છ જિલ્લાના ભચાઉ તાલુકાના શિકારપુર ગામનો રહેવાસી અને હાલમાં મોરબીના વીસીપરામાં વાડી વિસ્તાર પાસે રહેતો તૈયબભાઈ ગુલમામદભાઇ માણેક જાતે મિયાણા (૩૨) નામના યુવાને હાલમાં મોરબી તાલુકા પોલીસ સ્ટેશન ખાતે નિજામભાઇ ફતેમામદભાઇ મોવર, હાજીભાઇ ફતેમામદભાઇ મોવર, ફારૂકભાઇ ફતેમામદભાઇ મોવર અને મહમદસીદીકભાઇ ફતેમામદભાઇ મોવર રહે. ચારેય કાજરડા ગામ તાલુકો માળીયા(મિ.) વાળાની સામે ફરિયાદ નોંધાવી છે જેમાં તેને જણાવ્યુ છે કે, નિજામભાઇનો ત્યાં મુરઘીનો થડો આવેલ છે તેની બાજુમાં તેના કાકાને મુરઘીનો થડો નાખવો છે જેથી કરીને નિઝામભાઈ મોવરે તેની સાથે બોલાચાલી કરી હતી અને ગાળો આપી હતી ત્યારબાદ હાજીભાઈ મોવરે ધારિયા વડે હુમલો કરીને હાથની આંગળીઓમાં ઈજા કરી હતી અને ફારૂકભાઈ મોવર તેમજ મહમદસીદીકી મોવાર દ્વારા તેને ગાળો આપીને ઢીકાપાટુનો માર મારવામાં આવ્યો હતો જેથી ઈજા પામેલ તૈયાબભાઈ માણેકને સારવાર માટે હોસ્પિટલમાં લઈને આવ્યા હતા અને હોસ્પિટલ મારફતે મારામારીના આ બનાવની મોરબી તાલુકા પોલીસને જાણ કરવામાં આવતા પોલીસે ભોગ બનેલા યુવાનની ફરિયાદ લઈને આગળની કાર્યવાહી હાથ ધરી છે અને હાલમાં આ બનાવની આગળની તપાસ વી.એસ. ડાંગર ચલાવી રહ્યા છે
એક બોટલ દારૂ
મોરબીના સામાકાંઠા વિસ્તારમાં વેજીટેબલ રોડ ઉપર સ્મશાનની બાજુમાંથી બાઇક નં જીજે ૩૬ સી ૦૦૧૨ લઈને પસાર થઈ રહેલા શખ્સને પોલીસે રોકીને ચેક કર્યો હતો ત્યારે તેની પાસેથી દારૂની એક બોટલ મળી આવી હોય પોલીસે ૩૭૫ રૂપિયાની કિંમતની દારૂની બોટલ તથા ૨૫૦૦૦ રૂપિયાની કિંમતનું બાઈક આમ કુલ મળીને પોલીસે ૨૫૩૭૫ ની કિંમતનો મુદ્દામાલ કબજે કરીને પ્રમોદસિંહ નરેન્દ્રસિંહ ઝાલા જાતે દરબાર (૩૦) રહે. નિત્યાનંદ સોસાયટી મોરબી વાળાની ધરપકડ કરેલ છે
