મોરબીના બોરીયા પાટી વિસ્તારમાં દંપતી સાથે ઝઘડો કરીને બે શખ્સોએ મહિલાને મારમાર્યો
SHARE
JOIN OUR GROUP
મોરબીના બોરીયા પાટી વિસ્તારમાં દંપતી સાથે ઝઘડો કરીને બે શખ્સોએ મહિલાને મારમાર્યો
મોરબીના બોરીયા પાટી વિસ્તારમાં દંપતી સાથે બોલાચાલી કરીને બે શખ્સો દ્વારા ઝઘડો કરવામાં આવ્યો હતો અને મારામારીનો બનાવ બન્યો હતો જેમાં મહિલાને ઈજા થઇ હોવાથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને આ બનાવમાં યુવાને મોરબી સીટી એ ડિવિઝન પોલીસ સ્ટેશન ખાતે બે શખ્સોની સામે ફરિયાદ નોંધાવતા પોલીસે ગુનો નોંધી આરોપીઓને પકડવા માટે તજવીજ શરૂ કરેલ છે
બનાવની જાણવા મળતી માહિતી મુજબ મોરબીના કેનાલ રોડ ઉપર આવેલ બોરીયા પાટી વિસ્તારમાં રહેતા દિનેશભાઈ નવઘણભાઈ નકુમ જાતે દલવાડી (૪૬) એ હાલમાં મોરબી સીટી એ ડિવિઝન પોલીસ સ્ટેશન ખાતે મનસુખભાઈ છગનભાઈ પરમાર અને વિમલભાઈ મનસુખભાઈ પરમારની સામે ફરિયાદ નોંધાવેલ છે જેમાં તેણે જણાવ્યું છે કે મનસુખ પરમારે તેની તથા તેના પત્ની મુક્તાબેન દિનેશભાઈ નકુમ (૪૫) સાથે બોલાચાલી કરીને ઝઘડો કર્યો હતો અને ત્યારબાદ તેનો દીકરો વિમલભાઈ પરમાર ત્યાં ઉપરાણું લઈને આવ્યો હતો અને ત્યારે મારામારીનો બનાવ બન્યો હતો જેમાં ફરિયાદીના પત્ની મુક્તાબેન દિનેશભાઈ નકુમને ઇજા થઈ હોવાથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને આ બનાવની એ ડિવિઝન પોલીસ સ્ટેશન ખાતે ફરિયાદ નોંધાઇ હોવાથી પોલીસે ગુનો નોંધીને આરોપીઓને પકડવા માટે તજવીજ શરૂ કરે છે
બાઇક સ્લીપ
મોરબી શહેરના વાઘપરા વિસ્તારમાં રહેતો રોનક રમેશચંદ્ર રાવલ (૩૨) નામનો યુવાન બાઇક લઈને જઈ રહ્યો હતો ત્યારે કોઈ કારણોસર તેનું બાઇક સ્લીપ થઈ ગયું હતું જેથી અકસ્માતનો બનાવ બન્યો હતો અને તેમાં રોનક રાવલને ઇજા થઈ હતી જેથી તેને મોરબીની ખાનગી હોસ્પિટલમાં સારવાર માટે લઈને આવ્યા હતા અને આ બનાવની હોસ્પિટલ મારફતે મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે
