મોરબીની ઓમ શાંતિ ઇંગ્લીશ મીડીયમ સ્કુલના વિદ્યાર્થીઓએ પોલીસ સ્ટેશનની મુલાકાત લીધી
Morbi Today
વાંકાનેરની યુવતીની છેડતી કરીને જાનથી મારી નાખવાની ધમકી આપવાના ગુનામાં બે મહિલા સહિત ચાર આરોપી જેલ હવાલે
SHARE
JOIN OUR GROUP
વાંકાનેરની યુવતીની છેડતી કરીને જાનથી મારી નાખવાની ધમકી આપવાના ગુનામાં બે મહિલા સહિત ચાર આરોપી જેલ હવાલે
વાંકાનેરના રાતીદેવરી ગામે રહેતી યુવતીને મોબાઈલ આપીને પાછળ પડી લગ્ન કરવા માટે તેને હેરાન પરેશાન કરવામાં આવતી હતી અને “તું મારી સાથે લગ્ન નહીં કર તો બીજે થવા નહીં દઉં” તેમ કહીને ગાળો આપીને જાનથી મારી નાખવાની ધમકી આપવામાં આવી હતી જેથી બે મહિલા સહિત કુલ મળીને ચાર સામે વાંકાનેર સિટી પોલીસ સ્ટેશન ખાતે યુવતીએ ફરિયાદ નોંધાવી હતી જેના આધારે પોલીસે ચારેય આરોપીની ધરપકડ કરીને તેને જેલ હવાલે કરેલ છે
જાણવા મળતી માહિતી મુજબ વાંકાનેર નજીક આવેલ રાતીદેવરી ખાતે રહેતા વૈશાલીબેન કાંતિભાઈ વોરા (૨૧) એ હાર્દિક, દેવુબેન, રવજીભાઈ દાનાભાઈ અને અનુબેન રહે. બધા બોધનગર મોરબી વાળાની સામે વાંકાનેર સિટી પોલીસ સ્ટેશન ખાતે ફરિયાદ નોંધાવી હતી જેમાં તેમણે જણાવ્યું હતું કે, આરોપીઓ લગ્ન કરવા માટે થઈને તેની પાછળ પડ્યા હતા અને મોબાઈલ આપીને લગ્ન કરવા માટે હેરાન પરેશાન કરતા હતા અને કહ્યું હતું કે “મારી સાથે લગ્ન નહીં કર તો બીજે થવા નહીં દઉ” તેમ કહીને ગાળો આપીને જાનથી મારી નાખવાની ધમકી આપી હતી જેથી કરીને ભોગ બનેલ યુવતી દ્વારા વાંકાનેર સિટી પોલીસ સ્ટેશન ખાતે બે મહિલા સહિત ચાર સામે ફરિયાદ નોંધાવી હતી જેના આધારે વાંકાનેરના પીઆઇ કે.એમ. છાસીયા અને તેની ટીમે આરોપી હાર્દીકભાઈ ઉર્ફે હર્ષદ રવજીભાઈ મુછડીયા (૨૨), રવજીભાઈ દાનાભાઈ મુછડીયા (૫૦), દેવુબેન ઉર્ફે દેવીકાબેન રવજીભાઈ મુછડીયા (૪૮) અને અનુબેન ઉર્ફે અનીતાબેન રવજીભાઈ મુછડીયા (૩૦) રહે. બધા જ મોરબી વાળાની ધરપકડ કરીને આરોપીઓને કોર્ટમાં રજૂ કરીને જેલ હવાલે કરેલ છે
