ટંકારાના સરૈયા નજીક ડમ્પરની સાઈડ કાપવા જતાં બસ સાથે બાઇક અથડાતાં દંપતિને ઈજા
SHARE
JOIN OUR GROUP
ટંકારાના સરૈયા નજીક ડમ્પરની સાઈડ કાપવા જતાં બસ સાથે બાઇક અથડાતાં દંપતિને ઈજા
ટંકારાની લતીપર ચોકડીથી સરૈયા ગામ તરફ આવેલ પેટ્રોલ પંપ નજીક ડમ્પરનો ઓવરટેક કરવા જતા સામેથી આવતી એસટી બસ સાથે ડબલ સવારી બાઇક અથડાયું હતું જેથી કરીને દંપતિને ઈજા થતાં તેને સારવારમાં ખસેડાયેલ છે અને હાલમાં એસટી બસમાં ચાલકે બાઈક ચાલક સામે ફરિયાદ નોંધાવતા ટંકારા પોલીસે ગુનો નોંધીને આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી પ્રમાણે મૂળ ભુજના નાના થરાવડા ગામના રહેવાસી અને એસટી ડ્રાઇવર મયુરભાઈ લક્ષ્મણભાઈ મરંડ જાતે આહિર (૩૪) એ બાઈક નં જીજે ૩ બીકયું ૪૦૪૭ ના ચાલક બાબુભાઈ રાજાભાઈ ચાવડા સામે ટંકારા તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યું છે કે, ટંકારાના લતીપર રોડ ઉપર સરૈયા ગામથી આગળ આવેલ ધરતી પેટ્રોલ પંપ પાસે બાઈક ચાલક ડમ્પરની સાઈડ કાપવા જતા સામેથી આવતી એસટી બસ નં જીજે ૧૮ ઝેડ ૬૮૦૫ ની ખાલી સાઈડમાં બાઈક અથડાયું હતું જેથી કરીને બાઇક ચાલક તથા તેના પત્નીને ઈજા થઈ હતી માટે તેને સારવારમાં લઈને આવ્યા હતા અને આ બનાવ સંદર્ભે હાલમાં એસટી બસના ચાલકે બાઈક ચાલક સામે ફરિયાદ નોંધાવતા પોલીસે ગુનો નોંધીને રાબેતા મુજબની કાર્યવાહી હાથ ધરી છે
