મોરબીના નીચી માંડલ પાસે કારખાનાના પાણીના ટાંકામાં ડૂબી જવાથી મહિલાનું મોત
SHARE
JOIN OUR GROUP
મોરબીના નીચી માંડલ પાસે કારખાનાના પાણીના ટાંકામાં ડૂબી જવાથી મહિલાનું મોત
મોરબી હળવદ હાઇવે ઉપર આવેલ નીચી માંડલ ગામ પાસે સીરામીક કારખાનામાં પાણીના ટાંકામાં ડૂબી જવાથી મહિલાનું મોત નીપજ્યું હતું જેથી કરીને મૃતક મહિલાના મૃતદેહને તેનો પતિ મોરબી સિવિલ હોસ્પિટલ ખાતે લઈને આવ્યો હતો અને અકસ્માત મૃત્યુના આ બનાવની સિવિલ હોસ્પિટલ મારફતે મોરબી તાલુકા પોલીસને જાણ કરવામાં આવી હતી જેથી કરીને પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી
બનાવની જાણવા મળતી માહિતી મુજબ મોરબી હળવદ હાઇવે ઉપર આવેલ નીચીમાંડલ ગામ પાસે કેરાવીટ સિરામિક કારખાનામાં લેબર ક્વાર્ટરમાં રહેતા અને ત્યાં મજૂરી કામ કરતા અજયભાઈ રાઠવાના પત્ની તેજલબેન અજયભાઈ રાઠવા (૨૪) કારખાનામાં હતા ત્યારે સાંજના ચારેક વાગ્યાના અરસામાં પાણીના ટાંકામાં ડૂબી જવાના કારણે તેનું મોત નીપજ્યું હતું અને મૃતક મહિલાના મૃતદેહને તેના પતિ અજયભાઈ રાઠવા મોરબી સિવિલ હોસ્પિટલ ખાતે લઈને આવ્યા હતા જેથી કરીને ડોક્ટરે મહિલાને જોઈ તપાસીને મૃત જાહેર કરી હતી અને ત્યારબાદ અકસ્માત મૃત્યુના આ બનાવની મોરબી સિવિલ હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી
અકસ્માતમાં ઇજા
મોરબી શહેરના સનાળા રોડ ઉપર નવા બસ સ્ટેશન પાસેથી મિલનભાઈ પોપટ સ્કૂટર નંબર જીજે ૩ એફએમ ૮૧૧૦ લઈને પસાર થઈ રહ્યા હતા ત્યારે પાછળથી કાર નંબર જીજે ૩૬ એફ ૦૫૬૭ ના ચાલાકે સ્કૂટરને લીધું હતું જેથી કરીને અકસ્માતમાં બનાવ બન્યો હતો અને તેમાં મિલનભાઈ પોપટને માથાના પાછળના ભાગે તથા શરીરે ઇજા થઈ હતી જેથી કરીને તેને સારવાર માટે લઈ ગયા હતા અને અકસ્માત સર્જીને કારચાલક પોતાની કાર લઈને ઘટના સ્થળેથી નાસી ગયો હતો જેથી કરીને હાલમાં ભોગ બનેલ મિલનભાઈ પોપટના પિતા વિનોદભાઈ હરગોવિંદભાઈ પોપટ જાતે લોહાણા (૬૦) રહે. શ્યામ પેલેસ બ્લોક નં ૪૦૩ બોની પાર્ક રવાપર વાળાએ એ ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
