મોરબીના ભડિયાદ રોડે સાયન્સ કોલેજ પાસે ખુટીયા સાથે બાઈક અથડાતાં ઇજા પામેલ યુવાન સારવારમાં
Morbi Today
મોરબીના ફડસર ગામે બોર્ડની વિદ્યાર્થીની એસિડ પી લેતા સારવારમાં
SHARE
JOIN OUR GROUP
મોરબીના ફડસર ગામે બોર્ડની વિદ્યાર્થીની એસિડ પી લેતા સારવારમાં
મોરબી તાલુકાના ફડસર ગામે રહેતી સગીરાની બોર્ડની પરીક્ષા ચાલુ હોય તેના પિતાએ તેને વાંચવા બેસવા માટે કહ્યું હતું જે બાબતે તેને લાગી આવતા સગીરાએ એસિડ પી લીધું હોવાથી તેને મોરબીની ખાનગી હોસ્પિટલમાં સારવાર માટે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.
જાણવા મળતી માહિતી મુજબ મોરબી તાલુકાના ફડસર ગામે રહેતા વિનોદભાઈ રામાનુજની દીકરી અપેક્ષાબેન (૧૫) એ પોતાના ઘરે હતી ત્યારે એસિડ પી લીધું હતું જેથી કરીને તેને તાત્કાલિક સારવાર માટે મોરબીમાં આવેલ મંગલમ હોસ્પિટલ ખાતે લઈને આવ્યા હતા અને ત્યાં સગીરાને સારવાર આપ્યા બાદ હોસ્પિટલ મારફતે આ બનાવની મોરબી તાલુકા પોલીસે જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી અને આ બનાવમાં ભોગ બનેલ સગીરાની માતા સાથે વાત કરતા તેમણે જણાવ્યું હતું કે અપેક્ષાબેનને બોર્ડની ધો. ૧૦ ની પરીક્ષા ચાલુ હતી અને વાંચવાના બદલે તે ગલૂડિયું રમાડતી હતી જેથી તેના પિતાએ બોર્ડનું છેલ્લું પેપર બાકી હોવાથી વાંચવા બેસવા માટે કહ્યું હતું જે બાબતે તેને લાગી આવતા તેણે પોતાની જાતે એસિડ પી લેતા સારવાર માટે ખસેડવામાં આવે છે હાલમાં પોલીસે બનાવની નોંધ કરીને આગળની કાર્યવાહી શરૂ કરેલ છે.
અકસ્માતમાં ઇજા
મોરબી નજીકના ધરમપુરથી સાદુળકા ગામ તરફ જવાના રસ્તા ઉપર આવેલ રાધે ક્રિષ્ના રોડવેઝ પાસે કાર અને બોલેરો વચ્ચે અકસ્માતનો બનાવ બન્યો હતો જેમાં નરભેરામભાઈ પરસોત્તમભાઈ ભુવા, શિલ્પાબેન પ્રેમયભાઈ દેકાવાડિયા, જમનાબેન અશ્વિનભાઈ પડસુંબીયા, હર્ષિલભાઈ અશ્વિનભાઈ પડસુંબીયા અને પ્રેમયભાઈ ભગવાનજીભાઈ દેકાવાડિયાને ઇજાઓ થઇ હોવાથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને અકસ્માતના આ બનાવની મોરબી તાલુકા પોલીસને જાણ કરવામાં આવતા પોલીસે બનાવવાની નોંધ કરી આગળની કાર્યવાહી હાથ ધરી છે
ઝેરી દવા પી લીધી
હળવદ તાલુકાના રાણેકપર ગામે રહેતા વિજુબેન બાબુભાઈ બાબરીયા (૫૨) એ પોતાના ઘરની અંદર ઝેરી દવા પી લીધી હતી જેથી તેને સારવાર માટે મોરબીની મંગલમ હોસ્પિટલ ખાતે લઈને આવ્યા હતા અને આ બનાવની મોરબી સીટી એ ડિવિઝન પોલીસને જાણ કરવામાં આવતા પોલીસે બનાવની નોંધ કરીને આગળની કાર્યવાહી હાથ ધરવામાં આવી છે અને આ બનાવની આગળની તપાસ મોરબી એ ડિવિઝન પોલીસ સ્ટેશનના એચ.એમ. ચાવડા ચલાવી રહ્યા હોય પોલીસ પાસેથી જાણવા મળતી માહિતી પ્રમાણે પરણીતાનો લગ્ન ગાળો ૩૫ વર્ષનો છે જોકે, તેને કયા કારણોસર ઝેરી દવા પીધી છે તે દિશામાં તપાસ કરવામાં આવી રહી છે.
