મોરબીમાં યુવાનની હત્યા કરનારા આરોપીઓ પાસે ઘટનાનું રીકન્સ્ટ્રક્શન કરાવતી પોલીસ: હથિયાર કબજે કર્યું
Morbi Today
મોરબીના પાવડીયારી નજીક સિરામિક યુનિટના લેબર ક્વાર્ટરમાં મહિલા સાથે દુષ્કર્મ
SHARE
JOIN OUR GROUP
મોરબીના પાવડીયારી નજીક સિરામિક યુનિટના લેબર ક્વાર્ટરમાં મહિલા સાથે દુષ્કર્મ
મોરબીના જેતપર રોડ ઉપર આવેલા પાવડીયારી નજીકના સિરામીક યુનીટના લેબર કવાટરમાં રહેતા અને મૂળ મધ્યપ્રદેશના પરિવારની મહિલા સાથે લેબર કવાટરમાં મૂળ મધ્યપ્રદેશના શખ્સ દ્વારા દુષ્કર્મ આચરવામાં આવ્યું હોવાની ફરિયાદ નોંધાતા હાલ તાલુકા પોલીસે આ અંગે ગુનો નોંધી આગળની તપાસ શરૂ કરી છે.
મોરબી તાલુકા પોલીસ સૂત્રોમાંથી મળતી માહિતી મુજબ મૂળ મધ્યપ્રદેશના વતની અને હાલ મોરબીના જેતપર રોડ ઉપર રંગપર ગામ નજીક આવેલ પાવડીયારી પાસેના એક સીરામીક યુનિટના લેબર કવાટરમાં રહીને ત્યાં જ મજૂરી કામ કરતા પરિવારની મહિલાની સાથે લેબર ક્વાટરમાં બળજબરી કરવામાં આવી હતી અને તેણીની ઈચ્છા વિરૂધ્ધ તેણીની સાથે દુષ્કર્મ આચરવામાં આવેલ હોય હાલ ભોગ બનેલ મહિલા દ્વારા મોરબી તાલુકા પોલીસ મથક ખાતે મૂળ મધ્યપ્રદેશના જાંબુ ખોડન ગામના રહેવાસી અને હાલ મોરબીના જેતપર રોડ પાવળીયારી નજીકના સીરામીક યુનિટમાં રહીને મજૂરી કામ કરતા પંકેશ વાગરૂભાઈ નીનામા જાતે આદિવાસી નામના શખ્સ વિરુદ્ધ ફરિયાદ નોંધાવતા તાલુકા પીએસઆઇ એસ.એન.સગારકા દ્વારા આઇપીસીની કલમ ૩૭૬ હેઠળ પંકેશ નીનામા વિરુદ્ધ ગુનો નોંધવામાં આવ્યો છે અને તે અંગે આગળની તપાસ શરૂ કરવામાં આવી હોવાનું જાણવા મળેલ છે.
બાઈક સાથે કાર અથડાતા ઇજા
મોરબીના વાવડી રોડ ઉપર આવેલ બાવલિયા પીરની દરગાહ નજીકના ગણેશનગર વિસ્તારમાં રહેતા પરસોતમભાઈ કાનજીભાઈ કંજારીયા (ઉંમર ૪૦) નામનો યુવાન મોરબીના મયુર પુલ ઉપરથી જતો હતો ત્યારે તેના બાઇકને કોઇ અજાણી કારના ચાલકે હડફેટે લેતા ઇજાઓ પામેલા પરસોતમભાઈ કણજારીયાને અત્રેની આયુષ હોસ્પિટલ ખાતે સારવાર માટે લાવવામાં આવ્યો હતો જેને પગલે જાણ થતાં બી ડિવિઝન પોલીસ મથકના જગદીશભાઈ ડાંગર દ્વારા આ અંગે આગળની તપાસ હાથ ધરવામાં આવી છે.
વાહન સ્લીપ થતા ઇજા
મોરબીના સામાકાંઠા વિસ્તારમાં આવેલ ત્રાજપર ચોકડી તરફ જતા રસ્તે આવેલ ફ્લોરા ટાઉનશીપ નજીક બાઇક સ્લીપ થઈ જવાના બનેલ અકસ્માત બનાવમાં ઇજાઓ થતા અશ્વિન રામજીભાઈ મુછડીયા (ઉંમર ૨૦) રહે.મોટી બરાર તાલુકો માળીયા (મિં.) ને મધુરન હોસ્પીટલ ખાતે સારવાર માટે લઈ જવાયો હતો અને બનાવ સંદર્ભે જાણ થતાં સીટી બી ડિવિઝન પોલીસ મથકના જે.જે.ડાંગર દ્વારા આ અંગે આગળની તપાસ ચલાવવામાં આવી રહી છે.
