મોરબીના પીપળી ગામે પત્ની સાથે ઝઘડા બાદ યુવાને એસિડ પી લેતા સારવારમાં
Morbi Today
મોરબીના લાતી પ્લોટમાં ચલણી નોટના આધારે જુગાર રમતા ત્રણ જુગારી પકડાયા
SHARE
JOIN OUR GROUP
મોરબીના લાતી પ્લોટમાં ચલણી નોટના આધારે જુગાર રમતા ત્રણ જુગારી પકડાયા
મોરબીના લાતી પ્લોટ શેરી નંબર ૩/૪ ની વચ્ચેના ભાગમાં જુગાર રમતા હોવાની સ્થાનિક પોલીસને બાતમી મળી હતી જેના આધારે પોલીસે ત્યાં જુગારની રેડ કરતા રોડ ઉપરથી ચલણી નોટના આધારે જુગાર રમતા ત્રણ શખ્સો મળી આવ્યા હતા જેથી પોલીસે તેની પાસેથી ૧૦૮૦૦ ની રોકડ કબજે કરી હતી અને તેની સામે મોરબી સીટી એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી હતી
બનાવની જાણવા મળતી માહિતી પ્રમાણે મોરબીના લાતી પ્લોટ વિસ્તારમાં શેરી નંબર ૩/૪ ની વચ્ચે જુગાર રમતા હોવાની એ ડિવિઝન પોલીસને મળેલ બાતમી આધારે ત્યાં જુગારની રેડ કરવામાં આવી હતી ત્યારે મોસીનભાઈ સલીમભાઈ મોવર (૨૯), કૈલાશભાઈ લાખુભાઇ જાદવ (૩૦) અને અલારખાભાઈ હુસેનભાઇ રાઉમા (૪૯) રહે. બધા મોરબી વાળા જુગાર રમતા મળી આવ્યા હોય પોલીસે તેની પાસેથી ૧૦,૮૦૦ ની રોકડ કબજે કરી હતી અને આ શખ્સો ચલણી નોટના આધારે જુગાર રમતા હોવાનું સામે આવ્યું હતું જેથી પોલીસે ત્રણેયની સામે મોરબી એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધીને આગળની કાર્યવાહી હાથ ધરી છે
અકસ્માતમાં ઇજા
મોરબી માળિયા હાઇવે ઉપર આવેલ ટિંબડી ગામના પાટીયા પાસે વાહન અકસ્માતનો બનાવ બન્યો હતો જેમાં અજય કિશોરકુમાર (૩૫) નામના મૂળ આંધ્રપ્રદેશના રહેવાસી યુવાનને ઇજા થઈ હતી જેથી સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને સિવિલ હોસ્પિટલ ખાતે આ યુવાનને સારવાર આપવામાં આવ્યા બાદ આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી અને આ બનાવની આગળની વધુ તપાસ મોરબી તાલુકા પોલીસ સ્ટેશનના એમ.એલ. બારૈયા ચલાવી રહયા છે
