ટંકારાના સખપર ગામે આકાશી વીજળી પડતાં મજૂર યુવાનનું મોત

ટંકારા તાલુકાના સખપર ગામે ગઇકાલે સવારે ખેતરમાં મજૂર યુવાન ઉપર વિજળી પડી હતી જેથી કરીને તે યુવાનને તાત્કાલિક સારવાર માટે પડધરી ખસેડવામાં આવ્યો હતો ત્યાં મજુર યુવાનનું મોત નીપજયું હતું જેથી આ બનાવની હોસ્પિટલ મારફતે પોલીસને જાણ કરવામાં આવી હતી

ગઇકાલે સવારે મોરબી જિલ્લાના વાતાવરણમાં પલટો આવ્યો હતો અને કેટલાક વિસ્તારમાં છાંટા પણ પડ્યા હતા જો કે, ટંકારા તાલુકાનાં જુદાજુદા ગ્રામ્ય વિસ્તારોમાં કમોસમી વરસાદ પણ પડ્યો હતો અને ત્યારે વરસાદી ઝાપટામાં ભિજાવાથી બચવા માટે ટંકારા તાલુકાના સખપર ગામે હસમુખભાઇ રણછોડભાઇ કોરીંગાની વાડીએ ખેતરમાં મજૂરી કામ કરતો મૂળ દાહોદ જિલ્લાનો રહેવાસી બિપુલભાઇ સબિયાભાઇ હઠિલા જાતે અનુજનજાતિ (૨૦) પિપળના ઝાડ નીચે ઊભો હતો ત્યારે તેની ઉપર વિજળી પડી હતી જેથી કરીને તેને તાત્કાલિક સારવાર માટે પડધરી ખસેડવામાં આવ્યો હતો ત્યારે હાજર ડોક્ટરે તેને મૃત જાહેર કર્યો હટયો અને આ બનાવ અંગેની હોસ્પિટલ મારફતે ટંકારા તાલુકા પોલીસને જાણ કરવામાં આવતા પોલીસે બનાવની નોંધ કરીને આગળની કાર્યવાહી કરેલ છે