મોરબીના જુના ઘુટુ રોડ ઉપર એકોર્ડ સીરામીક પાસેથી ચાલીને રોડ ક્રોસ કરી રહેલા એક વૃદ્ધ અને ટ્રક ચાલકે અડફેટે લીધા હતા જેથી કરીને તેને માથે, હાથે પગે અને શરીરે ઇજાઓ થતા તેમને સારવાર માટે ખસેડવામાં આવ્યા હતા અને હાલમાં મોરબી બી ડિવિઝન પોલીસ સ્ટેશન ખાતે તેના દિકરાએ ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

બનાવની જાણવા મળતી વિગતો પ્રમાણે મોરબીના ભડીયાદ રોડ ઉપર સાયન્સ કોલેજની સામે રહેતા કિશોરભાઈ બાલાભાઇ વાઘાણી જાતે કોળી (ઉંમર ૨૭) હાલમાં બી ડિવિઝન પોલીસ સ્ટેશન ખાતે ટ્રક ચાલક સામે ફરિયાદ નોંધાવી છે જેમાં તેમણે જણાવ્યું છે કે તેઓના પિતા જુના ઘુટુ રોડ પર આવેલ એકોર્ડ સીરામીક પાસેથી ચાલીને રોડ ક્રોસ કરી રહ્યા હતા ત્યારે ટ્રેક ટ્રેલર જેમાં બ્લુ કલરનું કન્ટેનર હતુ તેના ચાલકે પોચના વાહનના સ્ટેરીંગ પરનો કાબુ ગુમાવ્યો હતો અને તેના પિતાને હડફેટે લીધા હતા જેથી કરીને તેઓના પિતાને માથા અને હાથે-પગે શરીરે ઈજાઓ થઈ હતી જેથી કરીને તેના પિતાને સારવારમાં ખસેડવામાં આવ્યા હતા અને હાલમાં કિશોરભાઈની ફરિયાદ લઈને પોલીસે ટ્રક ચાલક આરોપીને પકડવા માટે તજવીજ શરૂ કરેલ છે