મોરબીમાં બાઈક સાથે છોટા હાથી અથડાવાના બનાવનો ખાર રાખીને યુવાનને છરીના ઘા ઝીક્યા
SHARE
JOIN OUR GROUP
મોરબીમાં બાઈક સાથે છોટા હાથી અથડાવાના બનાવનો ખાર રાખીને યુવાનને છરીના ઘા ઝીક્યા
મોરબીના વાવડી રોડ ઉપર આવેલ બાપા સીતારામની મઢુલી પાસે યુવાનને રોકીને તારા ભાઈએ મારા બાઈક સાથે છોટા હાથી અથડાવેલ તેમ કહીને તે બાબતનો ખાર રાખીને વાવડી રોડ ઉપર આવેલ કારીયા સોસાયટીમાં રહેતા શખ્સે પોતાની પાસે રહેલ છરી વડે યુવાન ઉપર હુમલો કર્યો હતો અને તેને પેટ અને સાથળના ભાગે છરીના ઘા ઝીકયા હતા અને જાનથી મારી નાખવાની ધમકી આપી હતી જેથી કરીને ભોગ બનેલા યુવાનને મોરબી સિવિલ બાદ રાજકોટ લઇ જવાયો હતો અને સારવાર લીધા બાદ હાલમાં યુવાન દ્વારા મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે.
બનાવની જાણવા મળતી વિગત પ્રમાણે મોરબીના વાવડી રોડ ઉપર આવેલ શિવમપાર્ક સોસાયટીમાં રહેતા દિનેશભાઈ મલાભાઇ નકુમ જાતે સતવારા (૨૭)એ હાલમાં મોરબીના વાવડી રોડ ઉપર આવેલ કારીયા સોસાયટીમાં રહેતા લાભુભાઈ મેઘાભાઈ ગઢવી સામે ફરિયાદ નોંધાવી છે જેમાં તેણે જણાવ્યું છે કે મોરબીના વાવડી રોડ ઉપર આવેલ બાપાસીતારામની મઢુલી પાસે આરોપીએ તેને રોકીને "તારા ભાઈ જયચંદે મારા મોટરસાયકલ સાથે છોટા હાથી કેમ અથડાવેલ..?" તેમ કહીને તે જુની બાબતનો ખાર રાખીને આરોપીએ ગાળો આપી હતી અને ત્યારબાદ છરી વડે હુમલો કર્યો હતો અને ત્યારે ફરિયાદી યુવાનને પેટ અને સાથળના ભાગે છરીના બે ઘા ઝીકી દીધા હતા અને ઢીકાપાટુનો માર માર્યો હતો તેમજ જાનથી મારી નાખવાની ધમકી આપી હતી જેથી કરીને ભોગ બનેલા યુવાન દ્વારા મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે.
