હળવદ યાર્ડના કમિશન એજન્ટને તેના જ કર્મચારી ૬૯.૬૪ લાખનું બુચ મારી દીધું !
Morbi Today
મોરબીના ઇન્દિરાનગરમાં જુગાર રમતા બે મહિલા સહિત ત્રણ પકડાયા
SHARE
JOIN OUR GROUP
મોરબીના ઇન્દિરાનગરમાં જુગાર રમતા બે મહિલા સહિત ત્રણ પકડાયા
મોરબી શહેરના સામાકાંઠા વિસ્તારમાં ઇન્દિરાનગરમાં જાહેરમાં જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરતા બે મહિલા સહિત કુલ ત્રણ વ્યક્તિઓ જુગાર રમતા મળી આવ્યા હતા જેથી પોલીસે તેની પાસેથી ૧૬૬૦ ની રોકડ કબજે કરી જુગારધારા હેઠળ ગુનો નોંધી આગળની કાર્યવાહી હાથ ધરી છે
જાણવા મળતી માહિતી મુજબ મોરબી બી ડિવિઝન પોલીસનો સ્ટાફ પેટ્રોલિંગમાં હતો ત્યારે મોરબીના ઇન્દિરાનગર વિસ્તારમાં જાહેરમાં શેરીમાં જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપર હકેશભાઈ સોમાભાઈ પુરબીયા (૩૦) રહે વિદ્યુતનગર મોરબી, જયાબેન ગોરધનભાઈ માજુસા (૪૦) રહે. ઇન્દિરાનગર અને ભાવનાબેન ભગવાનભાઈ અગેચાણીયા (૫૫) રહે. વિદ્યુતનગર મોરબી વાળા જુગાર રમતા મળી આવ્યા હતા જેથી પોલીસે બે મહિલા સહિત કુલ ત્રણ જુગારીને પકડીને તેની પાસેથી ૧૬૬૦ ની રોકડ કબજે કરી જુગારધારા હેઠળ ગુનો નોંધી આગળની કાર્યવાહી હાથ ધરી હતી
રિક્ષા પલટી
મોરબીના મહેન્દ્રનગર ગામથી ઘુટુ ગામ તરફ જવાના રસ્તા ઉપર આવેલ આઈટીઆઈ પાસેથી રીક્ષા પસાર થઈ હતી ત્યારે તે રીક્ષા અકસ્માતે પલટી મારી ગઈ હતી જેથી રિક્ષામાં બેઠેલ જાગૃતીબેન રાજેશભાઈ ચૌહાણ (૪૫) રહે. યમુનાનગર સોસાયટી નવલખી રોડ વાળાને માથાના ભાગે ઇજા થઈ હતી જેથી કરીને ઈજા પામેલ મહિલાને તાત્કાલિક સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપવામાં આવ્યા બાદ અકસ્માતના બનાવ અંગેની મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળ વધુ તપાસ મોરબી બી ડિવિઝન પોલીસ સ્ટેશનના જશપાલસિંહ ચલાવી રહ્યા છે
