મોરબીમાં સિવિલ હોસ્પિટલના ઝાપા પાસે જુગાર રમતા ત્રણ જુગારી ૧૩,૨૦૦ ની રોકડ સાથે પકડાયા

મોરબીના ગાંધીચોકમાં સિવિલ હોસ્પિટલના ઝાપા પાસે જાહેરમાં ચલણી નોટના નંબર આધારે જુગાર રમતા હતા ત્યાં પોલીસે જુગારની રેડ કરી હતી અને ત્રણ શખ્સોને જુગાર રમતા ઝડપી લીધા હતા અને તેની પાસેથી ૧૩૨૦૦ ની રોકડ કબજે કરી પોલીસે આગળની રાબેતા મુજબની કાર્યવાહી હાથ ધરી છે

જાણવા મળતી માહિતી મુજબ મોરબીમાં સિવિલ હોસ્પિટલના દરવાજા પાસે જાહેરમાં ચલણી નોટના આધારે જુગાર રમતા હોવાની પોલીસની ટીમને હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે કાંતિલાલ ઉર્ફે મિથુન દેવજીભાઈ ડાભી જાતે સતવારા (૪૯) રહે માધાપર, હુસેનભાઇ મહમદભાઈ ભટ્ટી જાતે મિયાણા (૨૫) રહે ફૂલછાબ સોસાયટી અને સુલતાન સરમાણભાઈ સુમરા જાતે સંધિ (૨૧) રહે. ચાર ગોડાઉન પાછળ મોરબી વાળા જાહેરમાં જુગાર રમતા મળી આવ્યા હોય પોલીસે તેની પાસેથી ૧૩૨૦૦ ની રોકડ કબજે કરી હતી અને તેની સામે જુગારધારા હેઠળ ગુનો નોંધી આગળની કાર્યવાહી હાથ ધરવામાં આવી હતી