મોરબી નજીક અકસ્માત સર્જીને બે યુવાનના મોત નિપજાવનાર ટ્રક ચાલક સામે ગુનો નોંધાયો

મોરબીના સોખડા નજીક વાહન અકસ્માતનો બનાવ બન્યો હતો જેમાં ડબલ સવારીમાં જતા બે યુવાનોના બાઈકને ટ્રક ચાલક હડફેટે લીધું હતું જેથી કરીને રાજકોટના એક યુવાનનું ઘટના સ્થળે જ મોત નીપજ્યું હતું આ બનાવ બાદ હાલમાં મોરબી તાલુકા પોલીસ સ્ટેશન ખાતે મૃતક યુવાનના પિતાએ ટ્રક ચાલક સામે ફરિયાદ નોંધાવતાં પોલીસે ગુનો નોંધીને આગળની કાર્યવાહી કરેલ છે

મોરબીના માળિયા હાઇવે ઉપર આવેલા સોખડા ગામ નજીક વાહન અકસ્માતનો બનાવ સર્જાયો હતો જેમાં ડબલ સવારી બાઈકમાં જઈ રહેલા જીગ્નેશ સુરેશભાઈ ગાંધી (૩૮) રહે. શિવમ પાર્ક સોસાયટી રૈયા ચોકડી પાસે રાજકોટ તેમજ અમિત વિજયભાઈ જોશી (૪૨) રહે અંબા ભુવન ધર્મનગર સ્ટર્લીંગ હોસ્પિટલ પાછળ રૈયા રોડ રાજકોટ વાળાને ટ્રક ચાલકે પાછળથી હડફેટે લેતા બંને યુવાનો બાઇક સહિત રોડ ઉપર ફાંગોળાયા હતા જેથી તે બંને યુવાના મોત નિપજ્યાં હતા ત્યાર બાદ હાલમાં રાજકોટમાં શિવમ પાર્ક સોસાયટી રૈયા ચોકડી પાસે રહેતા સુરેશભાઇ ત્રબંકલાલ ગાંધી જાતે મોઢવાણીયા (૮૩)એ ટ્રક ટેલર નં જીજે ૧૨ ઝેડ ૨૩૦૬ વાળાની સામે ફરિયાદ નોંધાવી છે જેના આધારે પોલીસે ટ્રક ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે