મોરબીમાં વિદ્યાર્થિનીઓની છેડતી કરનારા ઢગાની સામે ગુનો નોંધાયો

મોરબીના શનાળા રોડે સુપર માર્કેટ પાસે સ્કૂલે જતી વિદ્યાર્થિનીઓનો પીછો કરીને પૈસા માંગીને તેની છેડતી એક ઢગા દ્વારા કરવામાં આવતી હતી જે બનાવમાં વિદ્યાર્થિનીઓ દ્વારા તેને મેથીપાક આપવામાં આવ્યો હતો ત્યાર બાદ હાલમાં છેડતી કરનારા શખ્સની સામે એ ડિવિઝન પોલીસ સ્ટેશને પોક્સો એક્ટ સહિતની કલમ હેઠળ ગુનો નોંધીને પોલીસે આગળની કાર્યવાહી કરેલ છે

જાણવા મળતી માહિતી મુજબ મોરબીના શનાળા રોડે આવેલ સુપર માર્કેટ પાસેથી વિદ્યાર્થિનીઓ સ્કૂલે જતી હતી ત્યારે તેની પાછળ જઈને તેની પાસેથી પૈસા માંગવામાં આવતા હતા અને ટચ કરીને છેડતી કરવામાં આવતી હતી જેથી કરીને પોલીસે હાલમાં છેડતી કરનારા મૂળ ખેવારિયા ગામના રહેવાસી ઓધવજીભાઈ બાબુભાઇ ઉભડિયા (૬૦) સામે પોક્સો એક્ટ સહિતની કલમ હેઠળ ગુનો નોંધીને પોલીસે આગળની કાર્યવાહી કરેલ છે જો કે, વિદ્યાર્થીનીઓ દ્વારા છેડતી કરનારને શનાળા રોડે જ પકડીને મેથીપાક આપવામાં આવ્યો હતો જેનો વિડીયો હાલમાં સોશિઅલ મીડિયામાં વાયરલ થયેલ છે