મોરબીમાં લાયન્સ ક્લબ ઓફ નઝરબાગ, નઝરબાગ પ્લસ, લીયો ક્લબ ઓફ નઝરબાગ રોયલની નવી ટીમ જાહેર
Morbi Today
વાંકાનેર નજીકથી ટ્રકમાં બનાવેલ ચોરખાનામાંથી દારૂની ૨૦૧૬ બોટલ સાથે એક શખ્સ ઝડપાયો, એકની શોધખોળ
SHARE
JOIN OUR GROUP
વાંકાનેર નજીકથી ટ્રકમાં બનાવેલ ચોરખાનામાંથી દારૂની ૨૦૧૬ બોટલ સાથે એક શખ્સ ઝડપાયો, એકની શોધખોળ
વાંકાનેર પાસેથી ટાટા ટ્રક પસાર થઈ રહ્યો હતો તેને એલસીબીની ટીમે રોકીને ચેક કર્યો હતો ત્યારે તે ટ્રકમાં બનાવવામાં આવેલ ચોરખાનામાંથી ઇંગ્લીશ દારૂની નાની મોટી બોટલો મળી આવી હતી જેથી કરીને પોલીસે ૨૦૧૬ બોટલ દારૂ જેની કિંમત ૨,૮૭,૫૮૦ અને અન્ય મુદામાલ મળીને ૭,૯૩,૦૫૦ નો મુદામાલ કબજે કરેલ છે અને એક આરોપીને ઝડપી લીધેલ છે
મોરબી એલ.સી.બી. અને પેરોલ ફર્લો સ્ટાફના માણસો વાંકાનેર વિસ્તારમાં પેટ્રોલીંગમાં હતા ત્યારે સુરેશભાઇ હુંબલ, પૃથ્વીરાજસિંહ જાડેજા, દશરથસિંહ ચાવડા તથા વિક્રમભાઇ કુગસીયાને સયુંકતમાં ખાનગી બાતમી મળી હતી કે, વાંકાનેર થાન રોડ તરફથી ટાટા ટ્રક નં જીજે ૧૪ ઝેડ ૦૨૨૪ વાળી વાંકાનેર બાઉન્ડ્રી તરફ જનાર છે. જે ટ્રકમાં ચોરખાનુ બનાવી તેમાં દારૂનો જથ્થો સંતાડી હેરાફેરી કરવામાં આવી રહી છે જેથી કરીને વાંકાનેર-ચંદ્રપુર રોડ ઉપર વોચ ગોઠવી હતી અને ત્યાંથી ટ્રક નીકળતા તેને રોકીને ચેક કર્યો હતો જેથી કરીને તેમાંથી દારૂની નાની મોટી બોટલોનો જથ્થો મળી આવ્યો હતો
જેથી કરીને પોલીસે દારૂનો જથ્થો ભરેલ ટ્રક સાથે દિલીપભાઇ જગમાલભાઇ પઢારીયા (૩૮) રહે. હાલ મોરબી રોડ સદગુરૂ સોસાયટી ૨૫- વારીયા શેરી નં-૨ રાજકોટ મુળ ઇન્દ્રા તાલુકો માણાવદર વાળાની ધરપકડ કરેલ છે અને તેની પાસેથી દારૂની નાની અને મોટી ૨૦૧૬ બોટલ જેની કિંમત ૨,૮૭,૫૮૦ અને અન્ય મુદામાલ મળીને ૭,૯૩,૦૫૦ નો મુદામાલ કબજે કરેલ છે અને આ શખ્સની પાસેથી ધવલભાઇ કિશોરભાઇ વાઢેર રહે, કૂવાડવા રોડ, બેડીપરા, જુના જકાતનાકા પાસે શિવપરા રાજકોટ વાળાનું નામ સામે આવેલ છે જેથી તેની સામે પણ વાંકાનેર સિટી પોલીસ સ્ટેશન ખાતે ગુનો નોંધીને આગળની કાર્યવાહી કરવામાં આવી છે આ કામગીરી એલસીબીના પીઆઇ ડી.એમ. ઢોલની સૂચના મુજબ સ્ટાફ દ્વારા કરવામાં આવી હતી
