મોરબીના ખેવારીયા ગામે તળાવમાં ડૂબી ગયેલ વ્યક્તિની ૩૨ કલાકે પાણીમાંથી લાશ મળી
Morbi Today
મોરબીના રંગપર પાસે પેટ્રોલ પંપ નજીક ટ્રક ચાલકે ડબલ સવારી બાઇકને હડફેટે લેતા રાજકોટના યુવાનનું મોત
SHARE
JOIN OUR GROUP
મોરબીના રંગપર પાસે પેટ્રોલ પંપ નજીક ટ્રક ચાલકે ડબલ સવારી બાઇકને હડફેટે લેતા રાજકોટના યુવાનનું મોત
મોરબીના જેતપર રોડ ઉપર આવેલ રંગપર ગામ પાસે પેટ્રોલ પંપની સામેથી ડબલ સવારી બાઈક પસાર થઈ રહ્યું હતું ત્યારે બાઈકને ટ્રક ચાલકે હડફેટે લીધું હતું જેથી કરીને અકસ્માતનો બનાવ બન્યો હતો અને તેમાં રાજકોટના રહેવાસી યુવાનનું મોત નીપજયું હતું જેથી મૃતક યુવાનના પિતા દ્વારા હાલમાં મોરબી તાલુકા પોલીસ સ્ટેશન ખાતે ટ્રક ચાલક સામે ફરિયાદ નોંધાવવામાં આવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ રાજકોટમાં ૧૫૦ ફૂટ રીંગ રોડ ઉપર આવેલ બાલાજી હોલ પાસે શ્રીરામ પાર્ક શેરી નં-૩ માં રહેતા નવીનભાઈ ત્રીકમભાઈ માખેસણા જાતે પટેલ (૫૬)એ હાલમાં ટ્રક નંબર આરજે ૨૧ જીડી ૮૧૯૯ ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યું છે કે તેનો દીકરો રંગપર ગામની સીમમાં આવેલ સોમનાથ પેટ્રોલ પંપ પાસેથી બાઈક જીજે ૩૬ એડી ૮૧૪૬ લઈને પસાર થતો હતો ત્યારે પાર્થ નવીનભાઈ માખેસણા (૨૩) ના બાઈકને આરોપી ટ્રક ચાલકે હડફેટે લીધું હતું જેથી કરીને અકસ્માતનો બનાવ બન્યો હતો અને અકસ્માતના બનાવવામાં પાર્થ માખેસણાને ગંભીર ઈજા થઈ હોવાથી તેનું મોત નીપજ્યું હતું જોકે બાઈકમાં તેની સાથે બેઠેલ પાર્થ અનિલભાઈ કણસાગરા (૧૯) નામના યુવાનને ઇજા થઈ હતી જેથી કરીને ઇજાગ્રસ્તને સારવાર માટે હોસ્પિટલે લઈ ગયા હતા. હાલમાં મૃતક યુવાનના પિતાએ ટ્રક ચાલકની સામે ફરિયાદ નોંધાવતા પોલીસે ગુનો નોંધીને આરોપીને પડવા માટે તજવીજ શરૂ કરેલ છે આ બનાવની આગળ વધુ તપાસ મોરબી તાલુકા પોલીસ સ્ટેશનના પોએસઆઈ બી.એ. ગઢવી કરી રહ્યા છે અને પ્રાથમિક તપાસ કરનારા જશપાલસિંહ પાસેથી મળેલ માહિતી મુજબ મોરબીના કારખાનામાં મૃતક યુવાન કામ કરતો હતો અને બાઇક લઈને જય રહયો હતો ત્યારે અકસ્માતના બનાવમાં તેનું મોત નીપજયું છે
અકસ્માતમાં ઇજા
મોરબીના વેજીટેબલ રોડ ઉપર રહેતો રાજેશ મેરૂભાઈ છેલણીયા (૩૦) નામનો યુવાન લાતી પ્લોટ શેરી નં-૬ માં પાણીમાં ખાડાના કારણે અકસ્માતનો બનાવ બન્યો હતો ત્યારે રાજેશ રસ્તા ઉપર નીચે પટકાતા તેને ઇજાઓ થઈ હતી જેથી ઇજાગ્રસ્ત હાલતમાં તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેની સારવાર આપવામાં આવ્યા બાદ આ બનાવની મોરબી એ ડિવિઝન પોલીસને જાણ કરવામાં આવી હતી જેથી પોલીસે બનાવની નોંધ કરી આગળની કાર્યવાહી હાથ ધરી છે
