મોરબીના ગાળા નજીક સર્જાયેલ જીવલેણ અકસ્માતમાં મૃતક યુવાન સામે ગુનો નોંધાયો
Morbi Today
વાંકાનેરના તરકીયા ગામે ગાંજાની ખેતી: ૬૩.૪૫૦ કિલોગ્રામ લીલા ગાંજાનાં છોડ સાથે એક શખ્સની ધરપકડ
SHARE
JOIN OUR GROUP
વાંકાનેરના તરકીયા ગામે ગાંજાની ખેતી: ૬૩.૪૫૦ કિલોગ્રામ લીલા ગાંજાનાં છોડ સાથે એક શખ્સની ધરપકડ
મોરબી જિલ્લાના વાંકાનેર તાલુકામાં આવતા તરકીયા ગામે રહેતો શખ્સ ખેતરના શેઢે અને તેના ઘરની બાજુમાં ગાંજાનું વાવેતર કરતો હોવાની વાંકાનેર તાલુકા પોલીસની ટીમને બાતમી મળી હતી જેના આધારે એસઓજી અને સ્થાનિકની ટીમ દ્વારા ત્યાં ગાંજાની રેડ કરવામાં આવી હતી અને સ્થળ ઉપરથી પોલીસે ગાંજાના લીલા ૩૨૬ છોડ જેનો વજન ૬૩.૪૫૦ કિલોગ્રામ થાય છે તેને કબજે કરેલ છે અને ૬,૩૪,૫૦૦ ના મુદામાલ સાથે એક આરોપીની ધરપકડ કરીને તેની સામે વાંકાનેર તાલુકા પોલીસ સ્ટેશન ખાતે એનડીપીએસ એક્ટ મુજબ ગુનો નોંધીને આગળની કાર્યવાહી કરેલ છે
બનાવની જાણવા મળતી માહિતી પ્રમાણે મોરબી જિલ્લા પોલીસ વડા રાહુલ ત્રિપાઠીની સૂચના મુજબ મોરબી જિલ્લા એસઓજી અને સ્થાનિક પોલીસની ટીમ દ્વારા જુદા જુદા વિસ્તારોમાં નશીલા માદક પદાર્થનું વેચાણ અને સંગ્રહ કરતા શખ્સોને પકડવા માટે થઈને કામગીરી કરવામાં આવી રહી છે દરમિયાન મોરબી જિલ્લાના વાંકાનેર તાલુકા પોલીસ સ્ટેશનમાં ફરજ બજાવતા હેડ કોન્સટેબલ જયેશભાઇ ધનજીભાઇ માણસૂરિયાને બાતમી આધારે મોરબી જિલ્લા પીઆઇ એમ.પી. પંડ્યા તથા વાંકાનેર તાલુકાના પીએસઆઇ બી.પી. સોનારા તેમજ બંન્નેની ટીમ દ્વારા વાંકાનેર તાલુકાની હદમાં આવેલ તરકીયા ગામે રેડ કરવામાં આવી છે અને ત્યાં રહેતા ભીખુભાઇ પોલાભાઇ ડાભી જાતે કોળી (૪૩) નામના શખ્સ દ્વારા તેના ઘર પાસે તેમજ તેના ખેતરના શેઢે ગાંજાનું વાવેતર કરવામાં આવ્યું હતું. જેથી કરીને પોલીસે કુલ મળીને ગાંજાના લીલા પોસ ડોડા નંગ ૩૨૬ કબજે કર્યા હતા અને ૬૩.૪૫૦ કિલોગ્રામ ગાંજો જેની કિંમત રૂપિયા ૬,૩૪,૫૦૦ ના મુદામાલનો માલ કબજે કરેલ છે અને આરોપી ભીખુભાઇ પોલાભાઇ ડાભી જાતે કોળી (૪૩) રહે. તરકીયા વાળાની સામે વાંકાનેર તાલુકા પોલીસ સ્ટેશન ખાતે એનડીપીએસ એકટ ૧૯૮પની કલમ ૮(બી), ૨૦(એ)(૧) મુજબ ગુનો નોંધીને પોલીસે આગળની રાબેતા મુજબની કાર્યવાહી કરેલ છે
