મોરબીના ગાળા નજીક સર્જાયેલ જીવલેણ અકસ્માતમાં મૃતક યુવાન સામે ગુનો નોંધાયો
SHARE
JOIN OUR GROUP
મોરબીના ગાળા નજીક સર્જાયેલ જીવલેણ અકસ્માતમાં મૃતક યુવાન સામે ગુનો નોંધાયો
મોરબી માળિયા હાઇવે ઉપર આવેલ ગાળા ગામના પાટીયા પાસે હાઇવે ઓથોરીટી દ્વારા હાઇવે ઉપરથી પસાર થતા વાહનોની સ્પીડ દર્શાવી શકાય તે માટે મુકવામાં આવેલ લોખંડની એંગલ સાથે ડમ્પર અથડાયું હતું જેથી કરીને અકસ્માતનો બનાવ બનેલ હતો ત્યારે ડમ્પરની કેબિનમાં બેઠેલ વાહન ચાલક કેબિનમાં દબાઈ ગયો હતો જેથી ઘટના સ્થળે જ તેનું મોત નીપજયું હતું આ બનાવમાં મૃતક યુવાનના ભાઈની ફરિયાદ લઈને પોલીસે મૃતક યુવાન સામે ગુનો નોંધીને આગળની કાર્યવાહી કરેલ છે
જાણવા મળતી વખતે પ્રમાણે મોરબી માળિયા હાઇવે ઉપર આવેલ ગાળા ગામ પાસે માળીયાથી મોરબી તરફ આવવાના રસ્તા ઉપર લોખંડની એંગલ હાઇવે ઓથોરીટી દ્વારા મુકવામાં આવી છે અને ત્યાંથી પસાર થતા વાહનોની સ્પીડ તે એંગલ ઉપર મૂકવામાં આવેલા બોર્ડમાં દર્શાવાતી હોય છે તેની સાથે ડમ્પર અથડાયું હતું જેથી કરીને એંગલ ધડાકાભેર તૂટી પડી હતી અને ત્યારે એંગલની નીચેના ભાગથી પસાર થતા ડમ્પરની કેબીન ઉપર તેનો કાટમાળ તૂટી પડતાં કેબીનનો ભૂકો બોલી ગયો હતો અને ડમ્પરની કેબિનમાં બેઠેલ ડ્રાઇવર રમેશભાઈ શિવાભાઇ દારોદરા (૩૩) રહે. ધરમપુર ચોકડી ટિંબડી વાળાનું ઘટના સ્થળે જ મોત નીપજ્યું હતું અને અકસ્માતના આ બનાવમાં હાલમાં પોલીસે મૃતક યુવાનના ભાઈ ઉમેશભાઈ શીવભાઈ ઉર્ફે શીવલાલ દારોદ્રા જાતે કોળી (૪૪) રહે. નવા ધરમપુર વાળાની ફરિયાદ લઈને મૃતક યુવાનની સામે ગુનો નોંધીને આગળની કાર્યવાહી કરેલ છે
