મોરબી જિલ્લાની તમામ આઈટીઆઈ માં બીજા તબક્કાની પ્રવેશ પ્રક્રિયા શરૂ
Morbi Today
મોરબીમાં મિત્રને જરૂરિયાત સમયે આપેલા રૂપિયા પરત ન આપતા ચેક રિટર્નના કેસમાં એક વર્ષની સજા-બમણી રકમનો દંડ
SHARE
JOIN OUR GROUP
મોરબીમાં મિત્રને જરૂરિયાત સમયે આપેલા રૂપિયા પરત ન આપતા ચેક રિટર્નના કેસમાં એક વર્ષની સજા-બમણી રકમનો દંડ
મોરબીમાં મિત્રને જરૂરિયાત સમયે આપેલા ત્રણ લાખ રૂપિયા પરત ન આપીને ચેક આપ્યો હતો જે ચેક ચેક રીર્ટન થયો હતો જેથી કરીને કેસ કરવામાં આવ્યો હતો જે કેસ ચાલી જતાં આરોપી જીતેન્દ્ર ધીરજલાલ કાલરીયાને ૧ વર્ષની સજા અને ૬ લાખનો દંડ મોરબીની કોર્ટે કર્યો છે
આ કેસની વિગત એવી હતી કે, આરોપી જીતેન્દ્ર ધીરજલાલ કાલરીયા અને ફરીયાદી મંજુરહસેન અબ્દુલભાઈ વડાવરીયા મિત્ર હતા અને બન્ને એકબીજાને સારી રીતે ઓળખે છે જો કે, આરોપીને એકાદ વર્ષ પહેલા રૂપિયા ૩,૦૦,૦૦૦ ની જરૂરીયાત પડતા આરોપીએ ફરીયાદીને કહ્યું હતું જેથી કરીને હાથ ઉછીના ૩,૦૦,૦૦૦ વગર વ્યાજે ફરીયાદીએ આરોપીને એક માસમાં પરત આપી દેવાની શરતે આપ્યા હતા જો કે, ફરીયાદીએ આરોપીને રકમ આપ્યા બાદ અવાર નવાર ૨કમ માંગતા આરોપી આપતા ન હોય તેથી ફરીયાદીએ આ કામના આરોપીને પોલીસ ફરીયાદ કરવાનું કહેતા ફરીયાદીએ આરોપીને આઈડીબીઆઈ બેંકનો મોરબી બ્રાંચનો સહી કરીને ચેક આપ્યો હતો જો કે, ચેક ફરીયાદીએ બેંકમાં જમા કરાવતા ફંડ ઈનસફીસીયન્ટના શેરા સાથે ચેક પરત આવ્યો હતો જેથી કરીને ફરીયાદીએ આરોપીને વારંવાર ચેક રીર્ટન થયાની જાણ કરેલ હતી છતાં આરોપીએ કોઈ જવાબ આપેલ ન હતી જેથી ફરીયાદીએ આરોપીને તા.૦૮/૦૨/૨૦૨૧ ના રોજ રજી. એડી. પોસ્ટ મારફત નોટીસ મોકલાવેલ હતી તો પણ નોટીસનો કોઈ જવાબ આપેલ નહી કે રકમ પરત કરવાની કોઈ દરકાર લીધેલ નહી. જેથી ફરીયાદીએ આરોપી વિરુધ્ધ ભારતીય વટાઉખત અધિનિયમની કલમ- ૧૩૮ મુજબ ન્યાયીક કાર્યવાહી અર્થે તેમના વકીલ જે.ડી. સોલંકી મારફત મોરબી કોર્ટમાં ફરીયાદ દાખલ કરી હતી
જે કેસ મહે. એડી. જયુડી. મેજી. ફ. જજની કોર્ટમાં ચાલતા આરોપી વીરુદ્ધ સમન્સ ઈસ્યુ કર્યું હતું છતા આરોપી કોર્ટમાં હાજર ન રહેતા આરોપી વીરુદ્ધ અંતે ધરપકડ વોરંટ ઈસ્યુ કરવામાં આવ્યું હતું અને આરોપી કોર્ટમાં હાજર રહેલ બાદમાં ફરીથી ગેરહાજર રહેતા અને ફરીયાદ પક્ષના પુરાવા દરમ્યાન આરોપી ગેરહાજર રહેલ છે જેથી આરોપીની ગેરહાજરીમાં કોર્ટ કાર્યવાહી આગળ ચલાવેલ અને ફરીયાદ પક્ષનો પુરાવો નોંધેલ બાદમાં ફરીયાદ પક્ષ દ્વારા કરવામાં આવેલ તમામ દલીલ માન્ય રાખી અને સાધનીક રેકર્ડ વંચાણે લઈ આરોપી જીતેન્દ્ર ધીરજલાલ કાલરીયાને ફરીયાદીને ફોજદારી કાર્યવાહીના કાયદા, ૧૯૭૩ ની કલમઃ- ૩૫૭ (૧) મુજબ વિવાદીત ચેકની બાકી નીકળતી રકમ ૩,૦૦,૦૦૦ ની ડબલ રકમ ૬,૦૦,૦૦૦ નો દંડ કર્યો છે અને આરોપી વળતરની રકમ ભરવામાં કસુર કરે તો વધુ ૯૦ દિવસની સાદી કેદની સજા કરવામાં આવી છે આ કેસમાં ફરીયાદ પક્ષે મોરબીના યુવા એડવોકેટ જે.ડી. સોલંકી રોકાયેલા હતા
