મોરબીના બિલિયા ગામે ગુમ થયેલ યુવતીની લાશ તળાવમાંથી મળી

મોરબી તાલુકાના બિલિયા ગામે ખેત મજૂરી કરતા એમપીના પરિવારની યુવતી બે દિવસથી ગુમ થયેલ હતી જેની શોધખોળ કરવા આવી રહી હતી દરમ્યાન ગામની બાજુમાં આવેલ તળાવમાંથી તે યુવતીની લાશ મળી આવી છે જેથી કરીને મોરબી તાલુકા પોલીસે બનાવની નોંધ કરીને આગળની કાર્યવાહી કરેલ છે.

બનાવની મળતી માહિતી મુજબ મોરબી તાલુકાના બિલિયા ગામના સરપંચ કાંતિભાઈ પેથાપરાએ જણાવ્યુ હતું કે, નરસીભાઈ રણછોડભાઈ સેરસિયાની વાડીએ ખેત મજૂરી કરતા એમપીના ખરગોન જીલ્લાના આદિવાસી પરિવારની જશોદાબેન હેમરાજભાઈ આદિવાસી (ઉમર ૧૮) નામની યુવતી બે દિવસથી ગુમ થયેલ હતી જેથી કરીને તેને શોધી રહ્યા હતા દરમ્યાન ગામની બાજુમાં આવેલ તળાવમાંથી તે યુવતીની લાશ મળી આવી છે.જેથી કરીને મોરબી તાલુકા પોલીસે બનાવની નોંધ કરીને આગળની કાર્યવાહી કરેલ છે.વધુમાં પોલીસ પાસેથી મળતી વિગત મુજબ યુવતી કુદરતી હાજતે ગઇ હતી ત્યાર બાદ તે ગુમ થયેલ હતી જેને શોધતા હતા તે દરમિયાનમાં તેની લાશ મળી છે જેથી મોતનું સાચું કારણ જાણવા માટે તાલુકા પોલીસ મથકના અર્જુનસિંહ ઝાલા દ્રારા પીએમ કરાવીને આગળની રાબેતા મુજબની કાર્યવાહી શરૂ કરવામાં આવેલ છે.મૃતક તેની માતા તથા ભાઈ-ભાભીની સાથે અહીંનૈ બીલીયા ગામે રહીને ખેત મજૂરીનું કામ કરતી હતી.

વાહન અકસ્માતમાં ઇજા પામતા રાજકોટ ખસેડાયો

મોરબીના સામાકાંઠે વાંકાનેર હાઇવે ઉપર આવેલ જૂની કુબેર ટોકીઝ પાસે વાહન અકસ્માતનો બનાવ બન્યો હતો.જેમાં ઇજાગ્રસ્તને ૧૦૮ વડે બેભાન હાલતમાં સારવાર માટે મોરબીની સિવિલ હોસ્પિટલ લાવવામાં આવ્યો હતો અને અહીંથી પ્રાથમિક સારવાર આપી ઇજાગ્રસ્ત વનકે બિહારી (ઉમર ૩૦) મૂળ રહે.બસોલી ઉત્તરપ્રદેશ વાળાને વધુ સારવાર માટે રાજકોટ ખસેડાયો હોય તે અંગે નોંધ કરીને સીટી બી ડિવિઝન પોલીસ મથકના જગદીશભાઈ ડાંગર દ્વારા આ દિશામાં આગળની તપાસ હાથ ધરવામાં આવેલ છે.