વાંકાનેરના ઢુવા ચોકડી પાસે ટ્રક ચાલકે હડફેટે લેતા રાહદારી યુવાનનું મોત

વાંકાનેરના ઢુવા સર્કલ પાસે ઓવરબ્રિજની દિવાલ નજીક સર્વિસ રોડ ઉપર રાહદારીને ટ્રક ચાલકે હડફેટે લીધો હતો જેથી તેને માથામાં અને શરીર ઇજા થયેલ હતી જેથી કરીને તેનું મોત નીપજયું હતું અને ત્યારબાદ આરોપી પોતાનો ટ્રક મૂકીને નાસી ગયો હોય હાલમાં પોલીસે આ બનાવમાં ફરિયાદ લઈને ટ્રક ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે

બનાવની જાણવા મળતી વખતે પ્રમાણે મૂળ બિહારના રહેવાસી અને હાલમાં બહાદુરગઢ ગામ પાસે બેલ સિરામિક કારખાનામાં રહેતા અને સિક્યુરિટી ગાર્ડ તરીકે કામ કરતા સુમિત મદન તિવારી જાતે બ્રાહ્મણો (૨૭)એ ટ્રક નંબર એમએચ ૧૮ એએ ૮૭૬૪ ના ચાલકની સામે વાંકાનેર તાલુકા પોલીસ સ્ટેશન ખાતે ફરિયાદ નોંધાવી છે જેમાં તેમણે જણાવ્યું છે કે ઢુવા સર્કલ પાસે ઓવરબ્રિજની દિવાલ નજીકથી સર્વિસ રોડ ઉપરથી ઓવર સ્પીડમાં ટ્રક લઈને આરોપી નીકળ્યો હતો ત્યારે રાહદારી અભિષેક સંજયભાઇ પાંડે (૨૫) રહે. પીપળા કોરી જિલ્લો મોતીહારી બિહારને ટ્રક ચાલકે હડફેટે લેતા રાહદારી વ્યક્તિને માથામાં અને શરીરે ગંભીર ઇજા થયેલ હતી જેથી કરીને તેનું મોત નીપજયું હતું અને અકસ્માત સર્જીને ટ્રક ચાલક પોતાનું વાહન ઘટના સ્થળે મૂકીને નાસી ગયો હતો જેથી હાલમાં આ બનાવ સંદર્ભે સુમિત તિવારીએ નોંધાવેલ ફરિયાદ આધારે પોલીસે આરોપીને પકડવા માટે તજવીજ શરૂ કરી છે