મોરબી જીલ્લામાં એક કે બે નહીં ૧૫ આવેદનપત્ર આપવા છતાં કે.ટી. મીલના કામદારોને ન્યાયની ઝંખના !
Morbi Today
મોરબીના ધારાસભ્ય-યુવા ભાજપના ઉપપ્રમુખનો ઓડિયો વાયરલ થવાનો મામલો: પાલિકાના પૂર્વ પ્રમુખના દીકરા સહિતનાઓની સામે નોંધાઇ ફરિયાદ, રાયોટિંગનો ગુનો નોંધાયો
SHARE
JOIN OUR GROUP
મોરબીના ધારાસભ્ય-યુવા ભાજપના ઉપપ્રમુખનો ઓડિયો વાયરલ થવાનો મામલો: પાલિકાના પૂર્વ પ્રમુખના દીકરા સહિતનાઓની સામે નોંધાઇ ફરિયાદ, રાયોટિંગનો ગુનો નોંધાયો
મોરબી પંથકમાં એક પખવાડિયા પહેલા ધારાસભ્યનો એક ઓડિયો વાયરલ થયેલ હતો જેમાં માળિયા તાલુકા યુવા ભાજપના ઉપપ્રમુખ અને મોરબી માળિયા વિધાનસભા બેઠકના ધારાસભ્ય વાતચીત કરતા હતા અને તેમાં ખાસ કરીને જે તે સમયે મોરબીના રવાપર રોડ ઉપર ફાયરિંગની ઘટના બની તેને લઈને ધારાસભ્ય “હું રાજી થયો છું ગુંડાગર્દી સામે લડવું જોઈએ” તે પ્રકારની વાત કરી હતી ત્યાર બાદ આ ઓડિયોમાં વાત કરી રહેલા માળિયા મીયાણા તાલુકા યુવા ભાજપના ઉપપ્રમુખને માર મારવામાં આવ્યો હતો જેની હવે મોરબી એ ડિવિઝન પોલીસ સ્ટેશન ખાતે મોરબી પાલિકાના પૂર્વ પ્રમુખના દીકરા સહિત કુલ મળીને નવ શખ્સોની સામે રાયોટિંગ સહિતની કલમ હેઠળ ફરિયાદ નોંધાઈ છે જેથી કરીને પોલીસે આરોપીને પકડવા માટે તજવીજ શરૂ કરી છે
જાણવા મળતી માહિતી મુજબ હાલમાં રવાપર ઘુનડા રોડ ઉપર આવેલ રવાપર સીડેન્સી હરીદર્શન એપાર્ટમેન્ટ ફલેટ નં. ૭૦૨ માં રહેતા પ્રજ્ઞેશભાઇ ઉર્ફે રઘો રમેશભાઇ ગોઠી જાતે પટેલ (૩૨)એ મોરબી એ ડિવિઝન પોલીસ સ્ટેશને અમીતભાઇ દેવાભાઇ અવાડીયા રહે. ભકિતનગર સર્કલ મોરબી તેમજ તેની સાથે આવેલા અજાણ્યા સાતથી આઠ શખ્સોની સામે ફરિયાદ નોંધાવેલ છે જેમાં તેને જણાવ્યુ છે કે, તેને મોરબી માળિયા વિધાનસભા બેઠકના ધારાસભ્ય કાંતિભાઈ અમૃતિયા સાથે ફોન ઉપર વાત કરી હતી જે ઓડિયો મોરબીના સોશિયલ મીડિયામાં વાઇરલ થયો હતો જે સોશીયલ મીડીયામાં વાયરલ થવામાં આરોપી અમિતભાઈ દેવાભાઇ અવાડિયાનુ નામ જાહેર નહીં કરવા બાબતે ફરિયાદીને રૂબરૂમાં ધમકી આપી હતી
ત્યાર બાદ ફરિયાદીને રવાપર ચોકડી પાસે બોલાવ્યો હતો અને ત્યાં કાળા કલરની થાર તથા કાળા કલરની વરના નંબર પ્લેટ વગરની બે ગાડી તથા બે એકટીવામાં અમિતભાઈ અને તેની સાથે અજાણ્યા શખ્સો આવ્યા હતા અને ધોકા તથા લોખંડના પાઇપ વડે તેને માર માર્યો હતો અને ગાળો આપીને જાનથી મારી નાખવાની ધમકી આપી હતી જેથી ઇજા પામેલા ફરિયાદીને મોરબી સિવિલમાં સારવાર માટે લઈને આવ્યા હતા અને આ બનાવમાં હાલમાં ભોગ બનેલા યુવાને ફરિયાદ નોંધાવતાં પોલીસે આઇપીસી કલમ ૩૨૩, ૫૦૪, ૫૦૬(૨), ૧૪૩, ૧૪૭, ૧૪૮, ૧૪૯ તથા જી.પી.એકટ કલમ ૧૩૫ મુજબ ગુનો નોંધીને આરોપીઓને પકડવા માટે તજવીજ શરૂ કરેલ છે
અત્રે ઉલેખનીય છે કે, ધારાસભ્ય સાથે વાતચીતનો જે ઓડિયો વાઇરલ થયેલ હતો તેમાં મોરબીના રવાપર રોડ ઉપર સુભાષનગર પાસે જે ફાયરિંગની ઘટના બની હતી તેની તેમજ શનાળા રોડે શોપિંગના પાર્કિંગમાં વાહન પાર્ક કરવા માટે થયેલ મારામારીની ચર્ચા કરવામાં આવે છે અને ખાસ કરીને ધારાસભ્ય રવાપર રોડે ફાયરિંગની ઘટના બની તેનાથી “હું રાજી થયો ગુંડાગર્દી સામે લડવું જોઈએ” તે પ્રકારની વાત કરતા હોય તેવું સાંભળવા મળે છે તેની સાથો સાથ આપણી પાર્ટીમાં જ ગુંડા આવી ગયા છે કોંગ્રેસમાં ક્યાં કોઈ છે તેવો પણ અવાજ સાંભળવા મળી રહ્યો છે ત્યારે આ ઓડિયો વાઇરલ કરવા પાછળ મુખ્ય કયો હેતુ હતો તે પોલીસ તપાસમાં સામે આવશે કે કેમ તે તો આગામી સમય જ બતાવશે
